Nota de Prensa
O BNG INSISTE EN QUE CERVO SIGUE SENDO O SEGUNDO CONCELLO DE GALIZA EN DÉBEDA POR HABITANTE E O PRIMEIRO DE LUGO POLA MALA XESTIÓN ECONÓMICA DO PP
As multinacionais das que fala a concelleira de facenda xa se encargaron nos xulgados de tirar por terra os novos impostos do goberno local polo que o Plan de Saneamento Económico só o vai pagar a cidadanía de a pé
926 euros por habitante mais o pago permanente de intereses por demora nos pagos a provedores non da para presumir de xestión económica
Cervo, 2 de xuño de 2010. O BNG insiste nas súas criticas á xestión económica do PP en Cervo que cualificou de desastrosa xa que un concello que encabeza as listaxes de débeda bancaria cando ten capacidade de recadación e non a executa non pode presumir de boa xestión económica, neste sentido encadraron os dereitos de difícil recadación mostrados pola liquidación de 2009 que deron como resultado 3,39 millóns de euros. Os nacionalistas ademais puxeron as cousas no seu sitio ao cualificar de falsas as expectativas da concelleira de facenda sobre recuperación económica a conta de novos impostos aplicados a multinacionais xa que estas xa se encargaron nos xulgados do contencioso administrativo de paralizar as novas ordenanzas fiscais e outras que xa existían polo será a cidadanía de a pé a que pague a actuación irresponsábel no económico do goberno do Partido Popular de Cervo.
O Plano de Saneamento Económico van pagalo os de sempre
O BNG pediulle á concelleira de facenda de Cervo que diga a verdade aos veciños e lles explique que o Plan de Saneamento Económico de Cervo e unha falacia derrubada polos contenciosos administrativos presentados nos xulgados polas empresas multinacionais afectadas que teñen paralizada a aplicación das novas ordenanzas. O portavoz municipal nacionalista pediulle a Chelo Gallego que baixe da nube, as previsións incluídas no Plan para cobrar 321.000 euros da taxa de vías e voos a unha empresa eléctrica non se produciu e a nova ordenanza que grava o uso de dominio público polas empresas de telefonía móbil foi recorrido no contencioso administrativo por tódalas empresas afectadas; pola contra o incremento nas taxas correspondentes a ordenanzas de efecto directo sobre os cidadáns de a pé xa están en marcha ou vanse aplicar en breve, incremento no Imposto Sobre Vehículos de Tracción Mecánica, incrementos nas taxas polo servizo de saneamento e auga, incremento na taxa por ocupación de vía pública, incremento no imposto sobre construcións, instalacións e obras.
A capacidade de financiamento existe outra cousa e que se execute realmente ou que o goberno local xogue á ruleta co diñeiro dos veciños
A liquidación do orzamento 2009 puxo ao descuberto 3,39 millóns de euros de dereitos pendentes de exercizos pasados e correntes de difícil recadación ao non ao non abrirse a reclamación executiva sobre estes dereitos polo que boa parte deles deberán ser anulados. Os nacionalistas ademais lembraron que unha promotora ten unha débeda pendente co concello de 1,3 millóns de euros froito do Convenio de Infraestruturas e Servizos, “que non contiña garantías de pago e con esta empresa en quebra, ese ingreso non se vai producir”, polo que Estúa responsabilizou ao goberno local de xogar á ruleta co diñeiro dos veciños.
138.461 euros anuais menos do fondo de cooperación local para amortizar a débeda da segregación de Burela
Os nacionalistas fixeron mención á necesidade de devolución de 1,8 millóns de euros á Xunta pola compensación da segregación de Burela que empezou a amortizarse en 2009, para Xoán Estúa os 4,34 millóns de euros de débeda bancaria deben incluír esta débeda coa Xunta que supoñen unha amortización anual de 138.461 euros mediante retencións do fondo de cooperación local que os nacionalistas lembran non debería producirse xa que os compromisos do goberno de Manuel Fraga de que a segregación non tería custes para os concellos segregados quedaron en papel mollado co visto bo do Partido Popular.
A débeda non inclúe os pagos a provedores de materiais e servizos que segue acumulando intereses por demora nos pagos
O BNG non esqueceu a constante reclamación de empresas provedoras de materiais e servizos que seguen reclamando intereses por demora nos pagos, neste sentido fixeron mención á reclamacións existentes nos meses de abril e maio, no primeiro 79.500 euros e no segundo 48.400. A Estúa preocúpalle especialmente o pago de intereses por demora naquelas facturas para as que os orzamentos recollen partidas específicas e non deberían ter retrasos no seu abono, polo que pediu á concelleira de facenda que deixe de botar balóns xa que esta actitude vaille ao peto ao conxunto dos veciños e veciñas de Cervo.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
