RIBADEO .- O presidente da Deputación e o alcalde de Ribadeo supervisaron o remate do traballos que incluíron o acondicionamento de 2,4 quilómetros da CP 0610, ademais da creación dunha rotonta non contemplada no proxecto inicial. O organismo provincial leva preto dun mes agardando a que a Xunta conceda os permisos para iniciar a reconstrución da Ponte de Arante, afectada pola borrasca Doris.
Nota de Prensa
A Deputación remata en prazo a mellora do acceso á praia das Catedrais no que investiu 500.000 euros
– Gómez Besteiro e o Alcalde de Ribadeo supervisaron o remate do traballos que incluíron o acondicionamento de 2,4 quilómetros da CP 0610, ademais da creación dunha rotonta non contemplada no proxecto inicial
– O máximo mandatario provincial anunciou que a Deputación tamén mellorará o treito que vai das Illas á praia dos Castros
– O organismo provincial leva preto dun mes agardando a que a Xunta conceda os permisos para iniciar a reconstrución da Ponte de Arante, afectada pola borrasca Doris
O Presidente da Deputación de Lugo, José Ramón Gómez Besteiro, e o Alcalde de Ribadeo, Fernando Suárez Barcia, supervisaron este venres as obras de mellora que o organismo provincial levou a cabo na CP 0610 de Altar-Reinante-Os Castros, e que incluíron a construción dunha rotonda no entronque do vial de unión coa N-634 e a A-8 que se sitúa no punto quilométrico 11,065.
En total, a Deputación investiu no vial que dá acceso á praia das Catedrais 500.000 euros. Neste senso, Gómez Besteiro subliñou que “fomos rápidos e rematamos estas obras en prazo. Ó igual que no seu momento cumprimos coa palabra dada ós veciños de Ribadeo, entregándolle coa máxima celeridade ó Alcalde este proxecto, hoxe a praia das praias da provincia ten un acceso en perfectas condicións, Ademais, incrementamos a seguridade de todos os que estas datas elixen como destino das súas vacacións Ribadeo e, concretamente este areal”.
Este proxecto foi en paralelo coa certificación medioambiental da praia, o único areal non urbano da provincia que conta con esta distinción. “Son actuacións moi significativas que permiten conservar o medio ambiente, e poñer en valor o segundo Monumento máis visitado en Galicia despois da Catedral de Santiago”.
No transcurso da visita, o máximo mandatario provincial anunciou que a Deputación tamén mellorará o treito da estrada que vai das Illas á praia dos Castros. A este respecto, o Alcalde sinalou que “estamos moi, moi, pero que moi agradecidos de que a Deputación retomase a mellora ata os Castros e coa mesma calidade que fixo a primeiro treito, xa que coas chuvias fortes destes días comprobamos que todo o vial funcionou perfectamente”.
Novidades no proxecto
Ademais da rotonda, o organismo provincial acordou incluir varias novidades neste proxecto. Deste xeito, aumentouse o número de quilómetros da estrada que se tiña previsto mellorar, chegando ós 2,4, concretamente dende o punto 9,920 ao 12,320. Asimesmo, os traballos tamén contemplaron o incremento do ensanche do vial e o acondicionamento da plataforma existente dende o punto quilométrico 9,920 ó 11,340 en 6,5 metros, e de 6 metros dende o 11,240 ó 12,320. Deste xeito, a zona de acceso á praia das Catedrais e á dos Castros, unha das estradas máis transitadas na época estival, pasará dos 4 ós 6 metros.
Pendentes do permiso da Xunta
A Deputación rematará mañá, 31 de xuño, as actuacións incluídas no plan de choque creado para atender as incidencias producidas pola forte borrasca de xuño e que causou danos cuantiosos en todos os municipios da Mariña. Deste xeito, Gómez Besteiro cumpre o compromiso asumido na reunión mantida nese mesmo mes con todos os rexedores municipais na que consensuaron as actuacións a levar a cabo nos oito municipios situados en primeira liña de costa. Neste senso, Gómez Besteiro sinalou que “todas as semanas envíolle ó Consellerio de Presidencia unha carta para informarlle das actuacións da Deputación, aínda onte saiu a última. Sen embargo non recibín ninguna de parte del”.
Precisamente, a borrasca Doris provocou o derrubamento da ponte que une as parroquias de A Ponte e de Arante, e que data de 1923. Ante esta situación, a Deputación actuou coa máxima celeridade, realizando unha proposta de emerxencia para contratar o arranxo que sofriu importantes danos estruturais, e que está situada á altura do punto quilométrico 0,150. Tamén habilitou unha partida orzamentaria dotada con 250.000 euros para acometer a súa reconstrución.
Asimesmo e por estar afectada polo Camiño Norte, solicitou á Consellería de Cultura e Turismo os permisos necesarios para poder acometer as obras. Concretamente, o servizo de Vias e Obras remitiu a solicitude o 13 de xullo, pero ata o de agora a delegación territorial do goberno autonómico aínda non se pronunciou ó respecto, polo que a Deputación non pode iniciar obras.
“Unha vez máis demóstrase quen cumpre e que non, quen está cos veciños da provincia e quen semella que non ten o mínimo interese. A Deputación fixo os deberes porque entendemos que hai cuestións inmediatas que hai que atender. O que non se pode facer e camuflar as responsabilidades cando hai problemas. O certo é que se a Xunta actuase como o fixemos dende a Deputación, xa poderiamos ter iniciada a obra”, apuntou Besteiro.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
