FOZ .- A Deputación trae a Foz o barco Muralla de Lugo, stand promocinal da provincia, pertencente a liña de actuación do programa Lug02. Permanecerá na praza do Cenima ata o día 17 e poderá visitase en horario de 11:00 a 15:00 horas e de 16:00 a 20:30 horas.
Máis de 8.300 persoas visitaron o Barco Muralla de Lugo dende a súa posta en marcha
– Logo de estar presente na XVI Feira da Canteira, Callos e Artesanía de Parga e no Arde Lucus trasladarase a Foz, coincidindo coas Festas do Carmen
– Estará situado na praza do Cenima, onde permanecerá ata o 17 de xullo para logo continuar o percorrido como “stand” da provincia noutras feiras e festas, contribuíndo á promoción da provincia
Un total de 8.350 persoas coñeceron o Barco Muralla de Lugo dende a súa posta en marcha o 23 de xuño. Desta cantidade, 6.000 visitárono durante o Arde Lucus e 2.350 durante a XVI Feira da Canteira, Callos e Artesanía de Parga, localidade na que permaneceu ata o 11 de xullo. Precisamente, un grupo da asociación luguesa Alume achegouse en días pasados ata a localidade guitiricense, así como veciños de Concellos limítrofes. Asimesmo, os propios vendedores da feira tampouco quixeron perder a oportunidade de coñecer a embarcación, única en España, coa que o organismo provincial pon en valor a costa lucense, a promoción económica da riqueza medioambiental da provincia e o Monumento bimilenario.
Rematada a súa estancia en Parga, a Deputación traslada a embarcación a Foz, localidade na que foi inaugurada e apadriñada polo Secretario de Estado do Ministerio de Política Territorial Gaspar Zarrías. Aquí permanecerá, coincidindo coas Festas do Carmen, dende o 14 ó 17 de xullo.
Estará situado na praza do Cenima e o horario de atención ó público será de 11:00 a 15:00 horas e de 16:00 a 20:30 horas. Deste xeito, a aula turístico-medioambiental, continúa “surcando” as estradas da provincia para estar presente como “stand” da provincia noutras feiras e festas, contribuíndo á comercialización dos produtos autóctonos lucenses.
Asesoramento empresarial e didáctico
A embarcación inclúese dentro da liña de actuación do programa Lug02, dotada con 950.000 euros e co-financiada ó 70% pola Unión Europea e engádese ás tres Aulas da Natureza que o organismo provincial está a poñer en marcha en Folgoso do Courel, Guitiriz e Fonsagrada dentro do programa medioambiental.
A embarcación foi construída por unha empresa de Burela e pintada en Viveiro. Está totalmente ambientada como os barcos mariñanos e as súas cores son vermello e azul marino, seguindo a simboloxía heráldica da Deputación, e verde, segundo as cores de Lug02 e do medio natural.
O seu interior está dotado con ordenadores, todo tipo de información medioambiental, así como mobiliario e material náutico que de forma total e gratuíta doaron as confrarías de pescadores da Mariña e o Concello de Viveiro, ós que se lles adica unha praca de agradecemento. Durante o seu percorrido pola xeografía española, distribuiranse 10.000 dípticos das Reservas da Biosfera, material didáctico, información empresarial e de bolsas de estudos, ademais de vídeos da provincia elaborados polos alumnos da Fundación TIC, dependente do organismo provincial.
O barco pesa 3.500 quilos e conta cunha dimensión exterior total de 12 metros de longo e 5 de alto. Ten unha parte expositiva con capacidade para 40 paneis de fotografías, na que se atopa unha sección de imaxes cedidas pola asociación “Terra de Viveiro”, e entre as que destaca a fotografía máis antiga que se conserva do porto viveirense.
A reorganización dos espazos —stands na Praza do Casino e presentacións no Cine Fantasio— foi clave para o éxito. A concelleira de Cultura, Patricia Rodríguez, destacou a boa acollida e a resposta do público, valorando moi positivamente o novo formato.
Estivo organizada polo Motoclub Os de Sempre, que reuniu este fin de semana a centos de participantes chegados de Galicia, Asturias, León e o Bierzo. O programa incluíu unha ruta nocturna en homenaxe aos moteros falecidos, ademais de momentos de convivencia en comidas e actuacións musicais dos grupos Primera Línea e Malditos Pendejos. Na entrega de trofeos participaron o alcalde de Ortigueira, Valentín Calvín, e a concelleira Isabel Rego.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
