BURELA (FNC) .- A concelleira de Benestar Social, Neves Cando, tilda de inútiles as xestións realizadas polo portavoz do PP para a reforma dos telladas das Casas Baratas e da rúa do Río. E pídelles aos populares que cumpran co que estaba asinado e comprometido polo anterior goberno galego.
A edil nacionalista dixo que “só me cabe cualificar esas xestións de inútiles e non aportan nada para os veciños das Casas Bartas que van quedar sen que se amañen os seus tellados por culpa do Partido Popular na Xunta que gastou os cartos e agora non se quere facer cargo das obras. Son inútiles porque todo o que di xa nos fora comentado pola delegada territorial da Xunta en Lugo coa que nos entrevistamos a comezos do pasado mes de maio acompañados dos representantes da asociación de veciños das Casas Baratas e ela mesma nos dixo que ía tratar o tema co conselleiro e que despois nos volveríamos xuntar. O que nos dixo Raquel Arias naquel momento é o mesmo que repite agora o señor Barcia, que por certo, xa non volve co argumento de que non había cartos para estas obras porque iso parece que xa lle quedou claro a él e ao PP cando este mesmo tema se tratou no parlamento galego”. Neves Cando lembrou que “nos orzamentos do IGVS do ano 2009 no capítulo 6 na partida 6170 aparecían recollidos 6 millóns de euros para reformas de vivendas, do que case 1 millón correspondía aos inmobles das Casasa Baratas e da rúa do Río en Burela”.
A edil de Benestar Social considera que “o que ten que explicarlles o señor González Barcia aos veciños das Casas Baratas é en qué gastaron eses cartos destinados á reparación desas vivendas e porqué antes co anterior goberno da Xunta e co compromiso da daquela conselleira de Vivenda se ían reparar estas vivendas con custe cero para os veciños e agora o goberno do PP na Xunta pretende desfacerse deste compromiso e facerlles pagar estas obras aos veciños”.
Neves Cando recoméndalle “ao señor Barcia que non esconda a cabeza neste tema, diga porqué non queren facer esas obras e deixese de andar de correveidile polas Consellerías porque nada amaña, igual que cando se entrevistou coa conselleira de Benestar polo tema da necesidade dunha nova escola infantil, nada trouxo e nada concretou. Non engane os veciños e cumpra co que estaba asinado e comprometido”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
