CERVO .- Os días 29,30, 31 de xullo e 1 de agosto celébranse as “X Veladas de Teatro no Souto” e a terceira edición de “Express-arte” na praza do Souto de Cervo. Cada noite comezará cun aperitivo musical para rematar cunha velada teatral.
Nota de Prensa
X Veladas de Teatro no Souto e III Express-arte. Os vindeiros días 29,30, 31 de Xullo e 1 de Agosto , ás nove e media da noite , na Praza do Souto de Cervo , celebrarase o Décimo Aniversario das Veladas de Teatro no Souto e a terceira edición de Express-arte, un cóctel músico teatral , con entrada libre, que este ano se poderá disfrutar con escenario e público totalmente cubertos e resgardados das posibles inclemencias atmosféricas.
Cada noite comenzará cun aperitivo musical para rematar cunha velada teatral de acordo ó seguintes programas.
Xoves, día 29 de Xullo, actuación do cantautor mariñán Antón Crego , na compaña de xoves promesas musicais, e do Grupo de teatro “A Adala” de Fazouro que representará a súa nova comedia titulada “Ilusións”, escrita e dirixida por Francisco Piñeiro.
Venres, día 30 de Xullo, amenizarán os mestres da Rondalla Galaico- Asturiana, para continuar coa compañía “AD LIBITUM” de Ferrol que porá en escena “O meu home tolea” dirixida por Yuyi Bastida.
Sábado, día 31 de Xullo, comezará a xornada na compaña da “Orquestra Variedades de Cervo” e a continuación o grupo “Rosario Trabanco ” de Gijón representará a peza teatral “Tan repetios” escrita por José Ramón Oliva
Domingo, 1 de Agosto, concerto de “Aires do Padornelo” de Mondoñedo e clausura do Décimo Aniversario das Veladas no Souto a cargo do grupo anfitrión “O Bordelo” de Cervo que representará o seu último traballo titulado ” Quintana de vivos, anguria dos orfos” escrita e dirixida por Francisco Piñeiro
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
