NOTA DE PRENSA
Lémbralles que tan só no primeiro ano o Goberno que lidera Alberto Núñez Feijóo comprometeu actuacións e servizos en beneficio desta comarca polo 80% do investimento real que o bipartito mobilizou en toda a lexislatura
O PP ASEGURA QUE OS SOCIALISTAS INCORRERON NUN “ESTREPITOSO RIDÍCULO” COAS SÚAS CRÍTICAS A XESTIÓN DA XUNTA NA MARIÑA LUCENSE
* A Xunta bipartita foi incapaz de iniciar un só quilómetro de corredor e mantén paralizado o treito estatal entre San Ciprián e Barreiros, pola contra as obras no tramo de responsabilidade da Xunta xa se iniciaron e achegan un investimentos superior aos 30 millóns de euros.
* A xestión do PSOE en materia de sanidade implicaba o colapso do Hospital da Costa e o traslado das listas de espera ata os centros de saúde.
A Mariña, 10 de xullo de 2010.- O Partido Popular da Mariña asegura que os socialistas, coas críticas efectuadas no día de onte á xestión da Xunta nesta comarca, incorreron nun “estrepitoso ridículo”. No Partido Popular aseguran que o PSOE ou ben pensa que os mariñáns non teñen memoria ou ben esqueceron a desastrosa xestión que durante a pasada lexislatura desenvolveu o bipartito, razóns máis que dabondo para que agora non poidan dar leccións.
Como dato significativo quixeron lembrar que tan só no primeiro ano o Goberno que lidera Alberto Núñez Feijoo comprometeu actuacións e servizos en beneficio da Mariña lucense por valor do 87 millóns de euros o que equivale -en só un ano, insisten- ao 80% do investimento real que o bipartito mobilizou no conxunto da lexislatura. “Esta dá boa mostra do esquecemento que practicaban os socialistas e das políticas regresivas que aplicaban cando se trataba da Mariña, unha comarca que non existía no mapa do bipartito”
Desde o PP mariñán non eluden falar de dúas das cuestións nas que os socialistas centraron as súas críticas: O corredor a sanidade. En relación coa vía de altas prestacións (VAP Costa Norte) sinalan que durante catro anos o bipartito foi incapaz de iniciar un só quilómetro desta estrada, mentres que agora, cando o PP accedeu á responsabilidade do Goberno as obras xa teñen comenzado no treito competencia da Xunta entre San Ciprián e Celeiro. Unha actuación para a que o Goberno que lidera Feijóo destinou máis de 30 millóns de euros.
Os populares creen que o que o PSOE perdeu unha oportunidade coa súa visita para explicar aquí na Mariña as razóns polas que mantén paralizado o Goberno central o treito da súa competencia, o que une as localidades de Barreiros e San Ciprián. Ou os motivos polos que os recortes do Ministerio de Fomento implicarán novos atrasos na autovía do Cantábrico “Grandes asignaturas pendentes dos socialistas e mostra do seu nulo interese pola Mariña”
SANIDADE
En materia de sanidade, o PP lembra que a herdanza do bipartito foi o colpaso do Hospital da Costa onde negaban asistencia sanitaria nada máis e nada menos que a 4.000 mariñáns que formaban parte da lista de espera oculta. Sinalan tamén que o PSOE terá no seu haber a dubidosa honra de ter trasladado ata os centros de saúde as listas de espera, tanto na prescrición de receitas como para a cita co médico de familia.
Pola contra un Goberno do PPdeG iniciou a ampliación e reforma da área de xinecoloxía, ten comprometido xa un investimento millonario para diversas actuacións de mellora no hospital e dotará de nova e avanzada tecnoloxía diagnóstica a centro. Así por exemplo lembra a resolución feita pública no DOGA para a adquisición dun ecocardiógrafo por un importe superior aos 100.000 euros.
Os populares non esquecen tamén o preto de millón de euros que supuxo a posta en servizo da ambulancia medicalizada –unha das poucas que hai en Galicia- En total solo en sanidade o investimento do Partido Popular na Xunta multiplica por 10 o achegado nesta materia polo Executivo de socialistas e nacionalistas durante catro anos.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
