Nota de Prensa
ANTONIO VEIGA CRE QUE BARCIA ”TRATA DE XUSTIFICAR O SEU SALARIO CON NOTAS DE PRENSA CRITICANDO AS AXUDAS DA DEPUTACIÓN”
Antonio Veiga criticou ao deputado provincial do PP, Xosé Mª Barcia, por “xogar coa información que extraeu dunha mesa técnica de valoración das axudas, cando sabe que todas as comisións de festas reciben exactamente o mesmo, independentemente das afinidades ou da cor política dos concellos”
Veiga di “entender as críticas do sr. Barcia, xa que cre que está xustificando o seu salario de liberado na Deputación facendo notas de prensa para criticar, un gran traballo para Burela e a Mariña”
Lugo, 13 xullo de 2010. O grupo provincial do BNG, a través do seu portavoz Antonio Veiga, ao mesmo tempo delegado de Cultura e Deportes da Deputación de Lugo, rexeitou as acusacións verquidas á prensa polo deputado provincial e voceiro do PP de Burela, Xosé Mª Barcia, nas que acusa á Deputación de Lugo e ao goberno municipal de Burela de aportar unha cantidade moi pequena para as festas Patronais da vila mariñá.
Antonio Veiga expresou que “as críticas do sr. Barcia son entendíbeis porque cre que desta maneira xustifica o seu salario de liberado na Deputación facendo notas de prensa, sen dúbida un gran traballo para os cidadáns de Burela e da Mariña”. Antonio Veiga reprobou este comportamento de Barcia xa que “xoga coa información, que extraeu dunha mesa técnica de valoración das axudas, para criticar ao goberno municipal de Burela e á Deputación, cando sabe que todas as comisións de festas reciben da Área de Cultura da Deputación exactamente a mesma cantidade, independentemente das afinidades ou da cor política dos concellos”.
Ademais, lembrou que a cifra que anunciou o sr. Barcia pertence a unha mesa técnica de valoración e, polo tanto, non está aprobada pola Xunta de Goberno da Deputación, quen finalmente debe decidir, polo que será a Área de Cultura e Deportes da Vicepresidencia 1ª da Deputación quen informará correspondentemente no momento da súa aprobación”. Neste sentido, Veiga “agradeceu” que Barcia quixese anunciar por anticipado este importe das axudas como se se tratase dun Delegado Provincial, mais lembroulle que “vostede desfruta dun salario como liberado da oposición desa institución, máis fraco favor está a facer á cidadanía se todo o seu traballo se limita a sacar unha nota de prensa á semana criticando cousas que non son certas”.
Veiga foi moi crítico e afirmou que “o señor Barcia é perfectamente consciente de que a Deputación de Lugo non pode pagar orquestras para verbenas, e menos aínda nos tempos que corren, polo que o razoamento que realizou aos medios está fóra de lugar” e lembrou que “para axudar á celebración de romarías, festas e eventos populares, a Área de Cultura da Deputación artella outros mecanismos, como é o financiamento de actuacións de bandas de música, corais e agrupacións de música tradicional lucenses polas comarcas de Lugo neste tipo de eventos, axuda á que puideron acollerse todas as comisións de festas, agrupacións veciñais e colectivos en igualdade de condicións”.
O portavoz do grupo provincial do BNG, Antonio Veiga, afirmou que “Barcia é moi libre de opinar sobre o grande ou pequena que lle parece a cifra dunha axuda, pero como todos os cidadáns sabe que as axudas da Área de Cultura e Deportes da Deputación van destinadas a apoiar a posta en marcha de actividades e eventos culturais e deportivos, axudando ás asociacións e clubs de todas as comarcas lucenses, mais non para a celebración de festas patronais”. Veiga afirmou que “desde a Deputación estabelécese un sistema de concorrencia competitiva para outorgar as axudas que permite realizar un reparto igualitario dos fondos destinados a apoiar o asociacionismo cultural e deportivo lucense” e lembrou que “en 3 anos houbo 2613 solicitudes de subvencións para asociacións culturais e deportivas que recibiron en concorrencia competitiva 11.118.325 euros”.
Con esta saída de Barcia semella que este “bota de menos os repartos discriminatorios que se levaban a cabo na Deputación na etapa de goberno do PP”, sentenciou Antonio Veiga.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
