NOTA DE PRENSA:
O colectivo cultural mantén a súa implicación na conservación da natureza e convida a veciños e visitantes a inmortalizar os areais da comarca
A SOMBRIZA CONVOCA UN CONCURSO DE FOTOGRAFÍA PARA CONCIENCIAR DA IMPORTANCIA DE MANTER LIMPAS AS NOSAS PRAIAS
* Cada participante poderá presentar un máximo de tres fotografías, que deben ser orixinais e inéditas, tomadas en calquera lugar da Mariña
* O xeito de participar está simplificado ao máximo: tan só hai que enviar un correo electrónico ao enderezo: asombriza@yahoo.es
* O fallo do xurado farase público o 21 de setembro e as fotografías dos participantes formarán parte dunha exposición
Cervo, 24 de agosto de 2010.- Os últimos días de bo tempo animaron a moitos mariñáns e visitantes a gozar dos privilexiados areais cos que conta esta comarca. Agora que son espazos coñecidos por todos, e que moita xente xa aproveitou o tempo de descanso, o colectivo cultural A Sombriza fai unha proposta moi interesante: que collamos as nosas cámaras fotográficas e retratemos as praias da Mariña con instantáneas que permitan concienciar da importancia de mantelas limpas.
“Esta é a idea, a partir de aí, cada quen pode sorprendernos coas súas imaxes… e todo iso, sen ter porque ser un fotógrafo profesional, este concurso está aberto a todos aqueles que queiran, e que lles guste a fotografía, desde os que dispoñen dunha gran cámara, ata os que teñen un dispositivo portatil e unha imaxe que lles gustaría compartir” – explica Geni Piñeiro, presidenta do colectivo A Sombriza. “O tema é o mar e as súas praias, pero todo o demais é totalmente libre, … poden ser desde o simple retrato da beleza dun dos nosos areais cando se pon o sol, ata a foto protesta polo mal uso que se fai moitas veces destes espazos, a pesar de que en gran parte deles hai colectores de recollida de residuos. Agora si, deben ser imaxes orixinais e inéditas”
Cada participante poderá presentar un máximo de tres fotografías, tomadas en calquera lugar da Mariña lucense, identificado ao efecto. No concurso poden participar todos os públicos, establecéndose dúas categorías de premios: xuvenil (menores de 18 anos) e adultos (maiores de 18 anos).
SIMPLICIDADE TOTAL: PARTICIPACIÓN VÍA INTERNET
O xeito de participar está simplificado ao máximo, simplemente será necesario remitir un correo electrónico ao enderezo asombriza@yahoo.es cos datos persoais e as imaxes en calquera formato fotográfico. Despois recibirán confirmación do envío e da súa incorporación como concursante. O fallo do xurado farase público o día 21 de setembro, non podendo premiarse a máis dunha mesma persoa.
Ademais, coa fotografías premiadas e participantes se organizará unha EXPOSICIÓN itinerante coa que A Sombriza pretende concienciar da importancia de preservar os nosos espazos naturais e o medio ambiente. Para o desenvolvemento desta actividade o colectivo cultural solicitou unha subvención á Consellería de Medio Ambiente da Xunta de Galicia, hoxe pendente de resolución. En todo caso, os gañadores recibirán cada seu agasallo, valorados en máis de 100 euros cada un, e un diploma acreditativo.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
