BURELA .- Presentaron en Burela a III edición da Concentración de motos que organiza o motoclub Os Centolos da Mariña, e que este ano se celebrará a fin de semana do 4 e o 5 de setembro. O delegado de Deporte da Deputación de Lugo, o nacionalista Antonio Veiga, recordou que a cita motera do ano pasado e xuntou ao redor de 4000 persoas.
Nota de Prensa
O DELEGADO DE DEPORTES DA DEPUTACIÓN ASISTIU Á PRESENTACIÓN DA III CONCENTRACIÓN DO MOTOCLUBE OS CENTOLOS DA MARIÑA
A concentración de motos celebrarase o 4 e o 5 de setembro en Burela
LUGO, 3 de agosto de 2010. O delegado de Deporte da Deputación de Lugo, o nacionalista Antonio Veiga, asistiu esta tarde á presentación da III edición da Concentración de motos que organiza o motoclube Os Centolos da Mariña, e que este ano se celebrará no porto de Burela a fin de semana do 4 e o 5 de setembro. Á presentación tamén asistiron, ademais de Antonio Veiga, Neves Cando, concelleira de Deportes de Burela, Alfredo Llano (alcalde de Burela) e Remedios López (concelleira), xunto a Manuel Vidal (o presidente do colectivo)
Antonio Veiga afirmou que o evento de seguro terá tanto éxito como a pasada edición, “na que se xuntaron ao redor de 4000 persoas, algo que sen dúbida supón un valor engadido a este tipo de actividades, xa que os concellos se ven enriquecidos grazas á afluencia de xente que os visita durante estas concentracións”.
O prezo de inscrición nesta actividade para todos aqueles que desexen participar está en 30 euros, 25 para os socios do motoclube que se preinscriban, e inclúe dúas rutas turísticas, unha camiseta, obsequio e un pin conmemorativos, pinchos, cea do sábado, concerto, queimada e almorzo e comida do domingo. Durante a fin de semana celebraranse varios sorteos e haberá xogos, carreiras, actuacións acrobáticas e retransmisión de MotoGP, entre outras actividades. Ademais, o sábado terá lugar unha gran sardiñada gratuíta para todos os asistentes.
Para máis información acerca do programa e as preincricións, os interesados deberán chamar ao teléfono 638 127 189, acceder ao sitio web www.oscentolos.com, ou poñerse en contacto por correo electrónico oscentolos@oscentolos.com.
P R O G R A M A :
SÁBADO
10:00. Apertura inscricións
12:00. Ruta turística.
14:00. Comida (pincheo, só para preinscritos).
17:30. Xogos, carreira motos lentas (100 € en premios).
18:30. Actuación acrobática (1º pase).
19:30. Sardiñada gratuíta.
21:30. Cea para inscritos.
23:00. Ruta en memoria dos compañeiros caídos.
23:30. Actuación acrobática (2º pase).
00:00 en diante: Esconxuro queimada (José Vicente Mon Canoura) e degustación + orquestra + DJ + “recena” + sorpresas.
DOMINGO
09:00 en diante: Almorzo en cafetería.
11:00. Ruta turística pola zona con aperitivo.
14:00. Retransmisión MotoGP en pantalla xigante.
15:00. Comida para inscritos.
16:00. Entrega trofeos e sorteo obsequios. Despedida.
(O programa ten valor orientativo, podendo ser modificado por cuestións organizativas).
PREZO:
Non socios: 30 €.
Socios de Os Centolos: 25 € (só con preinscrición).
(Inclúe: bolsa con camiseta + pin conmemorativo + caña e pincho de benvida).
Acampada gratuíta en pavillón cuberto con duchas.
A preinscrición dá dereito á comida-pincheo do sábado y ao desconto de 5 € para socios.
A condición de preincrito só se adquirirá unha vez se deposite a cantidade indicada como prezo na conta: 2091.0109.82.3000124809 de Caixa Galicia, indicando nome dos participantes antes do 1 de setembro.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
