Nota de Prensa
INDUSTRIA INVESTIU 106.000 EUROS NA REFORMA DA RÚA DO MESÓN, EN OUROL, PARA MODERNIZAR E POTENCIAR ESTE ESPAZO COMERCIAL
* A delegada territorial, Raquel Arias, visitou o concello e abordou co alcalde a marcha de diversos proxectos da Xunta, que suman un investimento de 1,2 millóns de euros
Lugo, 13 de setembro de 2010.- A delegada territorial da Xunta, Raquel Arias, comprobou hoxe o novo aspecto da rúa do Mesón, en Ourol, despois do remate das obras nas beirarrúas realizadas ao abeiro dun programa de modernización de espazos comerciais que desenvolve a Consellería de Economía e Industria.
A Xunta destinou 106.940 euros a estes traballos, financiando así o 70% do importe total do proxecto. O 60% da contía global -isto é, 64.163,46 euros- foron achegados con cargo aos orzamentos do pasado ano, e o resto, 42.775,64 euros, impútanse ao presente exercicio.
Este proxecto pretende potenciar o atractivo da zona e estimular o seu desenvolvemento como eixe comercial da localidade. Ademais de reformar o pavimento das beirarrúas, as obras de adecuación incluíron a renovación dos desaugues e a instalación de elementos como bancos, xardineiras con plantas ornamentais e unha fonte de fundición.
Raquel Arias incidiu na importancia estratéxica do comercio de proximidade, que crea postos de traballo e actúa como factor dinamizador de pobos e vilas. A delegada territorial lembrou que a Dirección Xeral de Comercio subvenciona aos concellos galegos para que modernicen os seus equipamentos comerciais, como fixo, neste caso, o concello de Ourol.
A través do Plan Ágora Re-comercia, a Xunta concede axudas para sufragar investimentos en mercados retallistas, na mellora de espazos destinados a mercados tradicionais e ambulantes, en rúas ou zonas peonís comerciais e, en xeral, nas áreas comerciais dunha localidade ou concello.
O prazo de presentación de solicitudes para este exercicio rematou hai apenas dúas semanas, e na provincia de Lugo presentáronse 17 proxectos para a súa valoración e posible financiación, se atenden aos criterios establecidos nas bases da convocatoria. A delegada destacou que este plan “outorga un especial protagonismo ao pequeno comercio, ao tempo que pretende revitalizar o papel dos mercadillos regulados, os mercados municipais ou as prazas de abastos e, en definitiva, deseñar actuacións axustadas ás particularidades da estrutura comercial de Galicia”.
Durante a súa visita, a delegada estivo acompañada polo alcalde de Ourol, Marcial Sanjurjo, con quen abordou a marcha doutros investimentos que a Xunta executa no concello e que suman máis de 1.210.000 euros.
Outros proxectos
Entre as iniciativas dispostas atópanse distintos proxectos da Consellería de Medio Rural, da de Educación e da de Traballo e Benestar. Así, o obradoiro de emprego Ourol Natural iniciou a súa andaina o pasado 9 de agosto, con 24 alumnos e unha duración prevista de 12 meses.
A Consellería de Medio Rural realiza traballos de tratamentos preventivos nos bosques do concello e outros labores de xestión directa, ademais de subvencionar aos propietarios dos montes pola recuperación do potencial forestal.
As obras de mellora do firme, construción de cunetas revestidas e repintado de marcas viarias en puntos concretos da LU-161, e a rehabilitación do firme da travesía de Ourol (antiga C-640), son outros dos proxectos desenvolvidos pola Xunta nos últimos meses neste concello.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
