Nota de Prensa
O GRUPO MUNICIPAL DO BNG DE MONDOÑEDO ANIMA A DAR UN APOIO MASIVO Á FOLGA XERAL DO 29 DE SETEMBRO
Os nacionalistas mindonienses co alcalde á cabeza reclaman u8n cambio de rumbo nas políticas antisociais dos gobernos estatal e galego
Non pode ser que os paganos da crise económica sexan aquelas capas sociais que non teñen ningunha responsabilidade nela
Mondoñedo, 24 de setembro de 2010. O Grupo Municipal do BNG de Mondoñedo co alcalde á cabeza reclaman o apoio masivo da sociedade á Folga Xeral do vindeiro 29 de setembro e chaman a participar da mobilización comarcal que terá lugar o día 29 ás seis da tarde en Foz. Para os nacionalistas existen sobradas razóns para secundar esta convocatoria xa que Galiza está dobremente afectada, por unha banda polas medidas antisociais do goberno estatal e por outro ao contar cun goberno galego incapaz de afrontar a crise a pesar das sáus promesas electoriais que multiplica os efectos da crise sobre clase traballadora ao tomar medidas que baixo a escusa dunha falsa austeridade van desmantelando servizos públicos, sociais, sanitarios e educativos para a súa posterior privatización.
Para o grupo de goberno no concello de Mondoñedo, “en Galiza hai razóns aínda maiores para a mobilización”. O noso país é o principal pagano da crise porque suportamos os salarios e as pensións máis baixos do Estado. En consecuencia, as políticas antisociais do Goberno do PSOE -redución de salarios, privatizacións, aumento da idade de xubilación…- prexudican especialmente as galegas e os galegos. A caída no investimento público en infraestruturas tamén castiga de forma singular o noso País, que arrastra un déficit histórico nesta materia. Tanto en época de bonanza como de crise nunca é o tempo de Galiza para o Estado español.
Galiza suporta ademais un goberno, o goberno do PP presidido por Feijóo, que ten demostrado a súa completa inutilidade para facer fronte á crise. E iso porque o PP comparte co PSOE a mesma estratexia -de carácter claramente neoliberal. “Nen PP nen PSOE parecen decatarse de que non é posíbel nengunha saída socialmente xusta á crise que non pase por rachar coas políticas liberais -desrregularización do sector financeiro, privatizacións no sector público, desfiscalización dos ricos…- aplicadas nos últimos anos quer no Estado, quer na Unión Europea.”
Non é certo, explicaron dende o BNG mindoniense, o argumento empregado tanto polo PP como polo PSOE de que a folga é o que menos necesita este país. Ao contrario: o que necesita este país é un movemento social amplo e contundente que force un cambio de rumo nas políticas practicadas tanto polo Goberno do PSOE no Estado como polo Goberno do PP na Xunta. O mellor contributo para a saída á crise é precisamente ese cambio de rumbo. Por iso, canto máis masiva sexa a folga, máis útil será para a clase traballadora. Neste sentido quixeron aclarar que “a superación da crise non se vai producir por un simple cambio de cromos entre PSOE e PP que practican o mesmo modelo económico, senón nunha maior conciencia social que alente cambios cara a unha sociedade mais igualitaria”
Por último o Grupo Municipal do BNG de Mondoñedo, chamou a participar da mobilización que terá lugar o día 29 ás seis da tarde en Foz convocada pola central Sindical nacionalista CIG, con saída dende a Delegación de Facenda desta localidade. Os nacionalistas teñen claro que “a mobilización social e útil e necesaria e xa noutras ocasións obrigou aos gobernos a dar marcha atrás, polo que canto mais masiva sexa, mais efectos positivos terá para a clase traballadora”
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
