Nota de prensa:
LARA: ‘O GOL DA COPA GALICIA FOI A RECOMPENSA A TODO O MEU TRABALLO NO FÚTBOL SALA’
Con tan só 17 anos, a viveirense Lara Balseiro consolídase como unha das firmes promesas do fútbol sala feminino no máximo nivel. Na súa segunda tempada en Honra coa camisola laranxa, a novísima ala abriu o marcador para o Burela FSF Pescados Rubén, na vitoria da gran final da XX Copa Galicia ante o Ponte Ourense.
“O gol da Copa Galicia foi a recompensa a todo o meu traballo no fútbol sala” expresou Lara, que tamén confesou o remuíño de sentimentos do gran momento: “Foi un pouco estraño, porque non estou acostumada a ser goleadora, pero tamén me sentín importante por poder contribuír á proclamación do equipo como bicampión da Copa Galicia”. A mariñá viu un bo Burela FSF na competición galega, aínda que con marxe de mellora. “A pesar do cansazo e das lesións, puidemos facerlle fronte ao gran Ponte Ourense porque fixemos un traballo defensivo envexable”.
Como un exemplo en esforzo, traballo e implicación, Lara recoñece a súa evolución deportiva co Burela FSF. “Aínda me queda moito por traballar neste deporte, pero estou satisfeita porque, despois dunha tempada de moitas horas dedicadas ao fútbol sala e co apoio e consello das miñas compañeiras, puiden demostrar que estou adaptada á categoría e espero continuar neste camiño”.
Precisamente, con respecto ao inminente comezo ligueiro ante o Móstoles FSF, a viveirense non dá nada por feito: “Tócanos unha estrea de tempada forte; por vestiario, o Móstoles é o claro favorito, pero coas novas incorporacións aínda ten que coller o ritmo como equipo. Nós somos un grupo compacto, con experiencia dunha tempada xuntas e loitaremos por facernos co encontro”.
A novísima xogadora non quixo despedirse sen animar ás nenas mariñás a sumarse á escola do Burela FS. “O fútbol sala é un deporte moi bonito e ilusionante que che axuda a medrar como persoa” concluíu Lara.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.