Nota de Prensa
A XUNTA DESMINTE QUE RETRASE A INAUGURACIÓN DO CAMPO DE FÚTBOL DA MAROSA, POIS AÍNDA NON RECIBIU FORMALMENTE AS OBRAS
* A delegada territorial, Raquel Arias, explica que posiblemente sexan recepcionadas a vindeira semana, e acto seguido serán entregadas ao concello para o beneficio de todos os veciños
* A tenente de alcalde do Concello de Burela foi recibindo información puntualmente do estado de tramitación do proxecto por parte de técnicos da Secretaría Xeral
Lugo, 1 de outubro de 2010.- A delegada territorial da Xunta, Raquel Arias, explicou hoxe que as obras do campo de fútbol da Marosa, en Burela, aínda non foron recibidas formalmente pola Xunta, de xeito que dificilmente pode este espazo abrirse ao público para o seu uso.
Arias afirmou que posiblemente sexan recepcionadas a vindeira semana, para o cal desprazarase ata o lugar un técnico da Secretaría Xeral para o Deporte que comprobará que as obras executadas se corresponden co establecido no proxecto que serviu de base ao contrato.
Unha vez realizadas as comprobacións oportunas, a Xunta procederá á recepción da obra e será entón cando, acto seguido, “serán entregadas ao concello e poderán utilizarse xa para beneficio de todos os veciños sen restrición algunha”.
A delegada territorial manifestouse “sorprendida” polas declaracións da tenente de alcalde de Burela, Neves Cando, e dixo descoñecer “cómo é posible que unha concelleira do goberno local de Burela afirme que as obras xa foron entregadas ao concello, cando nin sequera as recibiu a Xunta”.
Na mesma liña, Arias lembrou que “a propia concelleira admite que o Concello achegou o luns os 99.048 euros que lle corresponden, polo que non houbo tempo material para cumprimentar os trámites administrativos e pagar a obra, outro factor que imposibilitou que a teñamos recibido”.
En todo caso, subliña, “é do máximo interese para a Xunta de Galicia que as veciñas e veciños de Burela poidan disfrutar canto antes desta renovada infraestrutura”, na que a Secretaría Xeral para o Deporte inviste preto de 500.000 euros.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.