Nota de Prensa
Como é posíbel que a autoridade competente en materia urbanística en Galiza, descoñece o planeamento vixente no Concello de Foz,
pregunta Blanco ao Conselleiro Hernández.
Blanco leva ao Parlamento o POL de Foz e solicita explicacións sobre a ausencia de solo de núcleo no Concello.
O Parlamentario Nacionalista Fernando Blanco, presentou a o pasado xoves unha iniciativa no Parlamento Galego a fin de que o Conselleiro de Medio Ambiente e Infraestruturas Agustín Hernández aclare os motivos a que levan a que a Xunta de Galiza tome como referencia para elaborar o POL no Concello de Foz un planeamento que non se corresponde co que esta vixente neste Concello.
Na súa interpelación Blanco lembra que “o Planeamento que recolle o POL só fixa como urbano, a parte da Vila que ten esa consideración nas NSP do 81, clasificando como urbanizábel parte de Vilaronte,Fazouro e Cangas, a máis das dúas bolsas de urbanizábel que existen na Vila e clasifica como solo rústico o resto de solo do Concello. Dáse así o caso de que non aparece delimitado en todo o Concello nin unha soa bolsa de solo de núcleo rural até o punto de que as áreas de solo que tiña esa clasificación urbanística nos lugares de Cangas, Nois, Fazouro, Cordido, Vilaronte e San Martiño de Mondoñedo, segundo a cartografía do planeamento que se recolle no POL aparecen clasificadas como solo rústico de protección ordinaria”. Así as cousas o parlamentario nacionalista considera dun gravidade extrema “ que nestes bolsas de solo de núcleo rural que segundo a cartografía utilizada pola Consellaría para elaborar o POL dáselles a consideración de solo rústico de protección ordinaria residen máis de 3000 persoas, sendo boa parte das vivendas construídas nos últimos 20 anos, e tomando o Concello como criterio para outorgar a preceptiva licencia urbanística a consideración destes solos, como solos de núcleo rural” polo que non se entende como “ non existe en todo o Concello de Foz unha soa bolsa de solo de núcleo rural, cando nestes últimos 20 anos existe esta clasificación urbanística no planeamento municipal”o que en palabras de Blanco obriga a que a Xunta de Galiza explique “como é posíbel que a autoridade competente en materia urbanística en Galiza, isto é a administración autonómica, descoñece o planeamento vixente no Concello de Foz e por que o planeamento urbanístico que se recolle no POL como propio do Concello de Foz non se corresponde co vixente neste Concello nos últimos 20 anos”.
Na súa iniciativa Blanco denuncia que aparezan pintadas tres bolsas de solo urbanizábel en Cangas, Vilaronte e Fazouro que non existen no planeamento desde a modificación puntual do 90, tendo desde aquela eses solos a consideración de núcleo rural ou que se clasifique como urbanizábel non delimitado os predios nos que se sitúa o Parque Empresarial de Foz, cun Plan Parcial aprobado definitivamente desde 2003, co seu proceso de urbanización rematado e executado e ocupado case na súa totalidade por naves empresariais tanto na parte desenvolvida por Xestur como na parte desenvolvida pola iniciativa privada. Todo isto leva ao nacionalista a que a esixir que a Xunta explique os motivos polos “que o planeamento urbanístico que se recolle no POL aparezan bolsas de solo urbanizábel non delimitado en Cangas, Fazouro e Vilaronte ou por que se considera no planeamento urbanístico que se recolle no POL a zona onde se atopa o parque empresarial de Foz como solo urbanizábel non delimitado e a que se debe que as as bolsas de solo de núcleo rural existentes en Cordido,Cangas,Fazouro,Nois,San Martiño e Vilaronte na cartografía do planeamento urbanístico que se recolle no POL aparecen como solo rústico de protección ordinaria”.
Xa por último o Parlamentario do BNG por Lugo denunciou os prexuízos que a Xunta de Galiza está a crear ao Concello de Foz na medida que non se permite ningún uso residencial fora do que é o casco urbano da vila e que a maiores se deixa fora de ordenación vivendas onde residen máis de 3000 mil persoas. “Non é necesario que expliquemos aquí o grave problema que se crea no caso do concello de Foz por utilizar a administración autonómica un planeamento que non se corresponde co vixente no Concello” afirmou Blanco quen urxiu “unha explicación urxente por parte da Xunta e unha solución. Primeiro aclarándonos cal é o planeamento de aplicación no Concello e en segundo termo dandolle unha solución a esta situación, posto que a cartografía utilizada determina absolutamente a proposta de ordenación recollida no POL”
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
