Nota de prensa:
A través dunha iniciativa que insta á Xunta a propoñer ao Goberno central un novo sistema que teña en conta a relevancia do sector pesqueiro de cada autonomía e no que só as comunidades autónomas marítimas poidan participar nestes consellos, diferenciándoos dos de Agricultura
O GRUPO POPULAR DEFENDE UNHA MAIOR PARTICIPACIÓN DE GALICIA NOS CONSELLOS DE MINISTROS DE PESCA DA UNIÓN EUROPEA
* Ruíz Rivas resalta que o peso do sector pesqueiro galego non está en consonancia coa presenza e participación de Galicia nos consellos de Pesca da UE por mor dun sistema interno español que aplica uns criterios de selección rotatorios das comunidades autónomas pouco representativo da relevancia para certas autonomías dos asuntos a tratar nos mesmos.
Santiago, 4 de outubro de 2010.- O portavoz do Grupo Parlamentario Popular, Manuel Ruíz Rivas, informou hoxe en rolda de prensa da presentación dunha iniciativa na que o seu Grupo defende unha maior participación de Galicia nos consellos de ministros de Pesca da Unión Europea. Para os populares, explicou Ruíz Rivas, “constitúe un obxectivo da maior importancia lograr a mellor defensa dos intereses de Galicia en todos os foros e, especialmente, no ámbito da UE”. Algo que, engadiu, faise singularmente necesario “na actual conxuntura de crise económica”, na que, entre as medidas de loita contra as consecuencias da crise, “cómpre intensificar as accións destinadas a preservar e potenciar os nosos sectores productivos”.
A proposición non de lei, que o Grupo Popular levará ao Pleno da Cámara, insta á Xunta a propoñer ao Goberno central un novo sistema que teña en conta a relevancia do sector pesqueiro de cada autonomía e no que só as comunidades autónomas marítimas poidan participar nestes consellos, diferenciándoos dos de Agricultura. Igualmente, proponse que, dentro das comunidades marítimas, se pondere, para a súa participación e designación como representante das demais nos consellos de ministros europeos, a relevancia do respectivo sector pesqueiro en relación coa Orde do día do mesmo. Deste xeito, a iniciativa propón que, en función dos asuntos a tratar, sexan as autonomías marítimas as que decidan exclusivamente entre si a participación e representación no Consello de Ministros, comunicándollo ao Goberno central, e que entre este e aquelas se acorde a postura a defender polo Goberno do Estado no dito Consello.
Ruíz Rivas resalta que o peso do sector pesqueiro galego non está en consonancia coa presenza e participación de Galicia nos consellos de Pesca da UE por mor dun sistema interno español que aplica uns criterios de selección rotatorios das comunidades autónomas pouco representativo da relevancia para certas autonomías dos asuntos a tratar nos mesmos. No caso concreto da pesca en relación con Galicia, o dito sistema é “manifestamente mellorable para acadar unha maior representatividade e eficacia”.
AUSENCIA DE GALICIA NO CONSELLO INFORMAL DE VIGO
O portavoz do Grupo Popular puxo como exemplo representativo das deficiencias do actual sistema o feito de que no Consello informal de Ministros de Pesca da UE celebrado en Vigo os días 4 e 5 de marzo pasado, non se permitiu a asistencia da conselleira do Mar, malia ser Galicia a comunidade anfitriona e constituír a primeira potencia pesqueira española e europea, o que para Ruíz Rivas supón unha mostra “da máis sectaria política partidaria”. Unha ausencia que o Goberno central xustificou alegando que a quenda lle correspondía á Comunidade Autónoma de Cataluña e, malia que a dita comunidade cedeu finalmente o seu posto a Galicia, o Executivo de Zapatero impediu o cambio aducindo que non era posible facelo.
O deputado destacou que o sector pesqueiro galego representa o 40% da flota española e o 7,27% da Unión Europea, ademais do 15% do total da produción pesqueira da UE. Igualmente, lembrou que Galicia mantén o 51,6% do emprego pesqueiro español e o 10,2% do emprego dos 27 países da UE. Ademais dos 25.700 mariñeiros, acuicultores e mariscadores que faenan habitualmente, do sector pesqueiro galego dependen tamén os traballadores de actividades como a industria conserveira, os estaleiros ou o comercio, de xeito que por cada emprego no mar estímase que se crean ao redor de catro empregos máis en terra. “Tendo en conta estas consideracións e a nosa presenza en todos os océanos do Planeta, Galicia constitúese nunha auténtica potencia pesqueira europea e nunha das grandes potencias pesqueiras mundiais, contando todo o conxunto do seu entramado mar-terra”.
O Grupo Popular espera que os restantes grupos apoien esta iniciativa “porque confiamos en que socialistas e nacionalistas serán conscientes da importancia de defender a participación efectiva de Galicia nos foros nos que se adoptan decisións que teñen gran repercusión na nosa economía”. Para Ruíz Rivas, esta proposta enmárcase “nas accións necesarias para defender os nosos sectores productivos e achegarnos ao obxectivo de superar a crise e afianzar a dinamización económica da nosa Comunidade”.
Nese sentido, apelou á responsabilidade dos grupos da oposición para que “aposten por cambiar a súa estratexia de limitarse á crítica permanente e de escenificar espectáculos lamentables no Parlamento e substituíla polo traballo en positivo e a achega a un esforzo que debe ser conxunto”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
