Nota de prensa:
TÁBOAS PARA O DUELO DE DEBUTANTES PANIFICADORA-FISOBER FSF (1-1)
O Panificadora del Eo-Ribadeo FS superou a cuarta xornada de Autonómica cun traballado empate na casa ante o Fisober FSF de Vimianzo, en duelo de debutantes na categoría. A igualada outórgalles ás mariñás a décima posición (4 puntos).
As numerosas baixas no equipo ribadense, Yoli, Sofía e Nuria, xunto ás de Toñi e Sabela, que xa viñan arrastrando desde o inicio da tempada, obrigou a Martínez a botar man da moza Tania e de Montse, do equipo filial.
Adiantáronse as locais no minuto 13 por mediación de Iria ao recoller un rexeitamento da porteira visitante, pero, antes de marchar ao descanso, 3 minutos máis tarde, nun descoido defensivo das ribadenses, foi Patricia quen subiu o 1-1 ao marcador.
Durante a segunda metade, o Ribadeo, obrigado pola falta de rotacións, dedicouse a defender o empate e a lanzar perigosos contraataques; así María, no último minuto, tivo unha boa ocasión de dar os tres puntos ás locais a non ser pola espléndida intervención da porteira Paula. Tamén a falta de poucos segundos, a porteira local Carla detivo en dous tempos un dobre penalti lanzado pola visitante Ana.
Xornada 5. As ribadenses desprazaranse a próxima fin de semana a Vedra para enfrontarse ao FSF Mesón Rio Ulla, sexto clasificado, con 7 puntos.
Provincial masculino. O equipo sénior masculino do Ribadeo FS conseguiu a súa segunda vitoria no seu segundo encontro, esta vez a domicilio ante o Samos FS. O resultado final de 2 a 4 a favor dos ribadenses lévaos ao cuarto posto da clasificación con 6 puntos xunto ao Becerreá, Área 10 do Corgo e Cidade de Viveiro. A próxima fin de semana o Ribadeo recibirá o Meigallos de Sarria.
Ficha técnica
Panificadora del Eo-Ribadeo FS: Carla, Eva, Elvira, María e Fátima, cinco inicial; tamén xogaron Iria, Tania e Montse.
Fisober FSF: Paula, Patricia, Elsa, Ana e Olalla, cinco inicial; tamén xogaron Alba e Andrea.
Goles: 1-0, minuto 13, Iria; 1-1, minuto 16, Ana.
Cartóns amarelos: Fátima, polo Ribadeo, Ana Mouzo e Fran Toba, polo Fisober
Árbitros: David Castro e Ana Villar (anotador), de Lugo.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
