Nota de prensa:
AS FORZAS DE SEGURIDADE INCREMENTARÁN A SÚA PRESENZA EN RIBADEO PARA TENTAR LOCALIZAR AOS AUTORES DOS ROUBOS COMETIDOS NOS ÚLTIMOS DÍAS EN VARIAS CASAS DA VILA E DAS PARROQUIAS. ASÍ SE ACORDOU NA XUNTA LOCAL DE SEGURIDADE CELEBRADA ESTA MAÑÁ.
Ribadeo, 23 de novembro de 2010. As forzas de seguridade incrementarán a súa presencia en Ribadeo para tentar localizar aos autores dos roubos cometidos nos últimos días en varias casas da vila e das parroquias. Así se acordou na xunta local de seguridade celebrada esta mañá. O alcalde pedíulles máis vixianza para volver dar seguridade á cidadanía e o subdelegado do Goberno asegurou que houbo unha deriva funcional cara esta zona, pero que non hai motivo para a preocupación.
Fernando Suárez explicou na xunta local de seguridade “a preocupación cidadá que se está a dar en Ribadeo tras os roubos en casas que se produciron nos últimos días tanto no casco urbano como nas parroquias. Fíxenlles chegar dita preocupación ás forzas e corpos de seguridade do Estado e pedinlles que extremen as medidas de protección e de vixianza para volver dar seguridade a toda a cidadanía”.
O rexedor fixo unha chamada á colaboración dos veciños e veciñas de Ribadeo “para que poñan en coñecemento da Policía Local ou da Garda Civil calquera feito que lles pareza estrano e que levante as súas sospeitas. Non queremos converter isto nun estado policial, pero calquera dato que poidan aportar pode ser imporante para dar co autor ou autores destes feitos”.
Pola súa banda, o subdelegado do Goberno, Xosé Vázquez Portomeñe, sinalou que “Lugo é unha provincia tranquila e esta zona tamén e catro feitos puntuais causan aquí maior impacto que noutros lugares”. Portomeñe subliñou que “as forzas e corpos de seguridade do Estado traballan coordinadas e comparten datos e cara esta zona producíuse unha deriva funcional. Isto quere dicir que se destinan maiores recursos, que hai unha dotación de especialistas de apoio e que as unidades traballan perfectamente coordinadas entre sí”. O subdelegado tamén dixo que “a colaboración cidadá é fundamental” e engadiu que “non hai motivo para a preocupación”.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
