Nota de prensa:
BARCELONA, TERCEIRO ENVITE CONSECUTIVO PARA OS BURELISTAS LONXE DA CASA
O Burela FS afrontará este sábado o seu terceiro envite consecutivo lonxe de Vista Alegre. Tras Puertollano e Tudela, Barcelona é o destino da décimo quinta xornada. O pavillón Ciutat Esportiva Joan Gamper acollerá o encontro a partir das 18.30 horas.
Despois do traballado empate da semana pasada no parapeto navarro, os pupilos de Suso Rey, con 25 puntos e a sexta praza, volverán poñer a armadura para facerse cun resultado positivo que os manteña distanciados do sétimo posto do Lanzarote Tías Yaiza (21 puntos), que visita o Antequera (noveno), e lles permita avanzar na clasificación; a tan só un punto dos laranxas está BP Andorra, quinto, que recibe a ElPozo Ciudad de Murcia, na décima praza.
Os burelistas terán enfronte a un club histórico e un conxunto novel na categoría. Dende o seu décimo terceiro posto, o FC Barcelona B adáptase a Prata con máis baixos que altos na súa pista; cinco vitorias e un empate outórganlle os seus actuais 16 puntos, con só 6 na casa. No última xornada venceu a domicilio ao Unión África Ceutí por un axustado 1-2.
Christian será a única dúbida das filas laranxas para mañá, por unha contractura de abductor na perna esquerda. Minu, ausente en Navarra por molestias musculares, reincorporarase en Barcelona, aínda que non estará ao cen por cento.
Próxima cita. Os mariñáns regresarán á bomboneira despois de case un mes lonxe da terra, ante o Albacete, o 4 de decembro, data que coincidirá co I Encontro do Deporte Base na Mariña organizado pola entidade laranxa e a visita do seleccionador nacional, José Venancio, a Burela.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
