Nota de prensa:
DO 3 AO 8 DE DECEMBRO TERÁ LUGAR NO PARQUE DE SAN FRANCISCO A OITAVA EDICIÓN DO MERCADO DA NADAL QUE ORGANIZA O CONCELLO. FERNANDO SUÁREZ ASEGURA QUE SE TRATA DUN REVULSIVO E DUN ALICIENTE PARA QUE A XENTE VEÑA A RIBADEO DURANTE A VINDEIRA PONTE FESTIVA.
Ribadeo, 29 de novembro de 2010. Do 3 ao 8 de decembro terá lugar no parque de San Francisco a oitava edición do Mercado do Nadal que organiza o Concello de Ribadeo en colaboración coa Área de Turismo da Deputación de Lugo.
O alcalde de Ribadeo, Fernando Suárez, dixo na presentación que “como todo os anos o mercado ten lugar baixo unha carpa duns 600 metros cadrados sita no centro da vila e acolle diferentes tipos de artesanía así coma outras actividades que animarán Ribadeo nesta ponte festiva. Os horarios de apertura serán das 11 as 14 horas e nas tardes abriremos ás 17 e se pechará as 21 horas”. O Mercado do Nadal abrirá as súas portas o vindeiro venres ás cinco da tarde.
O rexedor manifestou que “este mercado ten a vocación de fomentar e difundir a actividade artesán e sirve como escaparate para a que a xente da Mariña e do Occidente astur coñeza a calidade e variedade artesá de Galicia e Asturias, especialmente agora que se achegan as festas do Nadal. Será un revulsivo e un aliciente para que a xente escolla Ribadeo como lugar de compras, de lecer, de diversión… O éxito desta iniciativa vese reflectido tanto pola afluencia do público como polo número de artesáns que desexan asistir a este mercado, repercutindo na dinamización socieconómica da nosa vila”.
Suárez Barcia subliñou que “a presente edición acollerá 31 actividades artesanais, que na súa meirande parte proceden de Asturias e Galicia, recollendo así a artesanía típica de ambas comunidades. Os stands dos artesáns comprenderán diversos oficios, tanto produtos alimenticios coma manufacturados, pero cun elemento en común o arte feito a mán: coiro, xoiería, papel, prata, azibeche ou madeira. A celebración do Mercado do Nadal virá acompañada como cada ano de actividades de animación para todo o público desde os máis pequenos ata os máis maiores, durante estos días temos prevista a celebración de diferentes obradoiros de artesanía, papiroflexia, impresión, barro, etc… E contaremos tamén con outros espectáculos de animación, concertos, contacontos todos eles dirixidos ao público infantil e familiar”.
Colaboran nesta ocasión a escola de música e danza de Ribadeo, o colexio do Sagrado Corazón e o seu coro infantil, a Escola de Música e Danza, o grupo de música tradicional Alensancia de Ribadeo e a Asociación de Amigos da Madeira de Ribadeo, entre outros. Ademáis durante o Mercado do Nadal poderanse visitar dúas exposicións artesanais: unha de madeira que organiza a Asociación de Amigos da Madeira de Ribadeo e que terá lugar na carpa e outra sobre o traballo do ferro na provincia de Lugo e no Occidente asturiano que está tendo lugar na oficina de turismo ata o día 8 de decembro e que organiza a Asociación Mariña Patrimonio.
Fernando Suárez convidou “a todos os veciños de Ribadeo, aos veciños da Mariña e do Occidente asturiano a que nalgún destes días visiten o Mercado do Nadal e que paseen e merquen na nosa vila. Nestes momentos de crise e de dificultades económicas temos que seguir ofertando alicientes para o sector máis importante que temos que é o dos servizos. E penso humildemente que estas iniciativas xeneran movimento económico e de persoas que sempre redunda de xeito positivo para o noso concello”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
