Nota de prensa
RAQUEL ARIAS VISITA AS OBRAS DE REFORMA E AMPLIACIÓN DE SERVIZOS QUE SE ESTÁN A LEVAR A CABO NO HOSPITAL DA COSTA
* A Consellería de Sanidade executa proxectos por valor de 1,5 millóns de euros neste centro, na planta de tocoxinecoloxía, a cuberta do edificio e as unidades de farmacia e arquivo
Burela, 30 de decembro de 2010.- A delegada territorial da Xunta, Raquel Arias, visitou hoxe as obras que a Consellería de Sanidade está a levar a cabo no Hospital da Costa, que suman un investimento de 1,5 millóns de euros e afectan á planta de tocoxinecoloxía, á cuberta e ás unidades de farmacia e arquivo.
A delegada explicou que a Xunta desenvolve dous proxectos de mellora simultáneos neste centro sanitario. Por un lado, inviste 615.400 euros nunha actuación que inclúe a ampliación das unidades de farmacia e arquivo, gañando un espazo que antes estaba inutilizado, así como o saneamento da estrutura da rampla anexa a estes servizos e a reposición da cuberta do edificio.
Así mesmo, está tamén en obras a planta de tocoxinecoloxía, na que se invisten preto de 900.000 euros. Polo que respecta a este servizo, Arias afirmou que a área de obstetricia estará lista en xaneiro e que, de continuar co bo ritmo actual, o resto das actuacións poderían estar finalizadas en marzo.
A delegada incidiu na “aposta da Xunta de Galicia pola sanidade pública”, e en concreto “por incrementar en cantidade e calidade os servizos dos hospitais comarcais”. Como exemplo, engadiu, “sinalar que neste ano tamén se dotou a este hospital de dous novos ecógrafos de alta gama, para radioloxía e xinecoloxía, e dun ecocardiógrafo, ademais de estar en proceso de adquisición un mamógrafo dixital”.
Igualmente, están xa previstos novos investimentos de cara ao vindeiro exercicio, cando se acometerá a reforma de urxencias, do laboratorio, os accesos á zona de radioloxía e o servizo de admisión. Estas obras terán un custo superior aos 350.000 euros.
“Todos estes proxectos -subliñou Arias- están pensados para procurar aos usuarios deste hospital os máis avanzados servizos médicos no marco dunhas instalacións modernas e coa mellor atención posible”.
A delegada lembrou que, no tocante ás listas de espera, os pacientes máis graves -de prioridade 1- esperan unha media de 15 días para ser operados, o que representa un dos mellores datos da comunidade autónoma.
“Neste sentido, debo destacar o sacrificio e a implicación dos profesionais do centro, que son os que co seu esforzo diario manteñen un alto nivel de calidade na prestación de servizo”, indicou.
O obxectivo fundamental de todas as actuacións desenvolvidas e planificadas pola Consellería de Sanidade, concluíu, “é o de solucionar os problemas de saúde dos mariñáns o máis cerca posible, e tamén da forma máis resolutiva”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
