Nota de prensa
O PANIFICADORA SUCUMBE ÁS OURENSÁS, CON REFORZO DE HONRA (9-0)
O Panificadora del Eo-Ribado non ten sorte nos seus enfrontamentos cos equipos filiais. Primeiro foi o Leis Pontevedra, cun cadro moi reforzado para competir ante as ribadenses (6-2) no descanso do equipo de Prata; despois tocoulle ao Cidade das Burgas, coa parada da División de Honra polo I Torneo Mundial de Futbol Sala Feminino. Favorecido polas circunstancias, o equipo ourensán convocou para a cita de Autonómica a Nati, Laura, Lucía e Nerea, as catro pertencentes ao conxunto de Honra, que se encargaron de endosarlle ao novel mariñán un contundente 9-0.
Resistiron as de Martínez máis de 17 minutos na primeira metade e ata en varias ocasións se achegaron con perigo á portería local, pero a maior experiencia das ourensás puxo o marcador 3-0 en menos de 3 minutos para o descanso.
O Cidade das Burgas, sorprendido da boa defensa presentada na primeira parte polo equipo ribadense, non se confiou e saíu a resolver na segunda parte. Así, xa subira o 5-0 no 25. Os 10 minutos seguintes, coas xogadoras de Honra no banco, as ribadenses enviaron dous tiros ao pau e erraron claras ocasións de polo menos conseguir o gol da honra. Aproveitándose dun Ribadeo minguado de forzas, sacou o seu potencial Pascual Codeso nos minutos finais, con catro dianas máis.
Deberá aproveitar Martínez o descanso da próxima xornada, unido ao parón do Nadal, para pór o equipo a punto e intentar conseguir a segunda vitoria, no último enfrontamento da primeira volta; será o 8 de xaneiro en Ribadeo, ante o Marcón FSF, cuarto con 22 puntos.
Ficha técnica
Panificadora del Eo-Ribadeo FS: Vanessa, Marta, Iria, María e Fátima, cinco inicial; tamén xogaron Elvira, Eva, Sabela, Arancha, Yoli e a debutante Toñi (pp).
Cidade das Burgas FS: Ana, Sofía, Nati, Lucía (4) e Nerea (1), cinco inicial; tamén xogaron Laura (1), Pomba, María Romero (1), María Rego (1) e Zaida.
Árbitros: Emilio Losada Sánchez e Laura de la Iglesia Rey, de Santiago. Mostraron cartóns amarelos a Laura, María Rego e Nerea, do Cidade.
Provincial masculina. Segue cultivando triunfos, aínda que traballados, o Ribadeo FS. O sábado venceu por un axustado 5-4 ao visitante de quenda e correúdo Hotel Roma de Sarria. O equipo mariñán mantén a segunda praza, con 25 puntos, a falta de 3 partidos para finalizar a primeira volta. O próximo rival será o Parrillada Puerta Santiago de Lugo, quinto clasificado con 17 puntos e un partido menos (sábado 18, pavillón do Pombal, 20.00 horas).
Provincial feminina. Non puido o Xoula-Ribadeo FS co experimentado FSF Guntín (2-4), un dos equipos aspirantes esta tempada ao cambio de categoría. Adiantáronse as de Guntín na primeira metade; na continuación, o bo fútbol das mozas ribadenses tivo a súa recompensa, igualando Fátima nunha excelente xogada individual. Minutos máis tarde, o dominio local volveu dar os seus froitos e Elena culminou outra bonita xogada moi ben traballada polas ribadenses. A nota destacada do encontro levouna a veterana Lorena, autora dos catro goles visitantes.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
