Nota de prensa:
Máis de 450 persoas dos Concellos de menos de 5.000 habitantes atoparán traballo co Plan Lugo Emprega
– A Deputación iniciará mañá xoves o proceso de selección no que participarán máis de 4.200 desempregados dos 51 municipios que se atopan neste grupo
– A listaxe de admitidos e excluídos pode consultarse na páxina web e as probas desenvolveranse ata o 31 de xaneiro en distintos puntos da provincia para facilitar a participación
– No caso dos Concellos de máis de 5.000 habitantes e con máis de 500 parados, contrataranse a 260 persoas, cuxa selección depende das entidades locais
A Deputación iniciará mañá xoves o proceso de selección do Plan Lugo Emprega nos Concellos de menos de 5.000 habitantes ou con menos de 500 parados. 4.207 desempregados da provincia dos 51 municipios, que atopan dentro deste grupo, participarán dende mañá ata o luns 31 de xaneiro as probas, que se desenvolverán en distintos puntos da provincia para facilitar a súa participación. En total, 451 persoas residentes nestes Concellos atoparán traballo coa iniciativa impulsada polo organismo provincial para frear o desemprego na provincia. No caso dos Concellos de máis de 5.000 habitantes e con máis de 500 parados (Burela, Chantada, Foz, Lugo, Monforte, Ribadeo, Sarria, Vilalba e Viveiro) contrataranse a 260 persoas. Neste caso, a selección xa non depende da Deputación senón das entidades locais.
Datas e lugares das probas
O 1 de marzo, como data límite, os desempregados estarán traballando nos 66 Concellos, agás o de Incio que rexeitou sumarse á iniciativa aínda que dende o organismo provincial se lle deron dúas oportunidades e malia que o Partido Popular votou en contra da iniciativa no Pleno do mes pasado. A Deputación publicou hoxe a listaxe de admitidos e excluídos tanto no taboleiro de anuncios como na web da Deputación. As persoas que superen o exame tipo test pasarán á seguinte fase, que constará nunha entrevista persoal que se levará a cabo na segunda semana de febreiro. O programa das probas é o seguinte:
Xoves, 27 de xaneiro:
* En Viveiro, no polideportivo pequeno, citaranse ós solicitantes de Xove, Ourol, Muras e O Vicedo.
* En Burela, no salón de formación do Concello, ós de Cervo, Alfoz, Lourenzá, Mondoñedo e O Valadouro.
* A Pontenova, no Centro de Iniciativas Turísticas, ós de Barreiros, A Pontenova, Trabada, Riotorto.
Venres, 28 de xaneiro:
* Lugo:
1. na Facultade de Veterinaria, citaranse ós aspirantes de Castroverde, O Corgo, Friol, Portomarín, Samos, Pol, Rábade e Guntín.
2. na Facultade de Administración e Dirección de Empresas, ós de Xermade, Ribeira de Piquín, Páramo, Paradela, Triacastela e Láncara.
3. No Pazo de Feiras e Congresos de Lugo, ós de Outeiro de Rei, Castro de Rei, Cospeito, Guitiriz e Begonte.
* Pastoriza, na Aula de Formación da Nave Municipal do polígono industrial, desenvolverase a proba para os solicitantes de Meira, A Pastoriza e Abadín.
Sábado, 29 de xaneiro:
* En Monterroso, no lugar coñecido como a Cúpula, citaranse ós de Antas de Ulla, Palas de Rei, Monterroso, Carballedo e Taboada.
Luns, 31 de xaneiro:
* Becerreá, no Instituto de Bacharelato ós de Becerreá, Cervantes, Navia de Suarna, Pedrafita, As Nogais e Baralla.
* Fonsagrada, no Salón de Actos do CEIP Santa María, ós aspirantes deste municipio, Baleira e Negueira de Muñiz.
* Monforte, no Salón de Actos do Instituto Daviña Rei, ós de Folgoso do Courel, Ribas do Sil, Quiroga, Bóveda, Pantón, Pobra de Brollón, Saviñao e Sober.
Custe 0 para os Concellos
A Deputación xestionou esta iniciativa, sen precedentes en Galicia, ante a ausencia de políticas activas de emprego da Xunta, que é a administración con competencias nesta materia. Está destinada a todos os Concellos da provincia e realizada con criterios de distribución poboacional, sen discriminar a ninguén. Asimesmo, o Plan non incrementa a débeda pública, xa que está financiado con fondos propios da Deputación. En total, destínanse 8 millóns de euros para a contratación de 711 parados que realizarán tarefas de mantemento de servizos municipais como rexeneración de camiños rurais, limpeza de cunetas, acondicionamento de áreas verdes, asfaltado de vías municipais, mellora de espazos urbanos e de abastecemento de augas ou atención no fogar.
O organismo provincial asume ó 100% dos custes salariais e mesmo os custes da indemnización por finalización do contrato. Mentres, o Concello tan só ten que aportar a roupa para os operarios e o material e as ferramentas necesarias para facer as obras. Lugo Emprega súmase a outras actuacións coas que a Deputación crera novos postos de traballo na provincia, como o Pacto Provincial polo Emprego, e que suman preto de 12 millóns de euros.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
