Nota de prensa:
O CLUB BURELISTA DISTINGUE A JOSÉ VENANCIO COA INSIGNIA DE OURO E BRILLANTES NO I ENCONTRO DE DEPORTE BASE NA MARIÑA
O CD Burela FS distinguirá ao seleccionador nacional, José Venancio López Hierro, co galardón laranxa máis prezado, a Insignia de Ouro e Brillantes, polo seu loable labor en favor do fútbol sala. O acto terá lugar coincidindo coa participación do técnico no I Encontro do Deporte Base na Mariña, o vindeiro sábado.
José Venancio inaugurará a xornada, que conta coa colaboración da Delegación Territorial da Xunta de Galicia en Lugo, Concello de Burela e COPE de la Costa, cun relatorio centrado na actualidade do fútbol sala e a estrutura dos clubs, programado para as 10.30 horas, no hotel Nordés de Burela. A intervención do seleccionador dará paso a unha charla coloquio co adestrador do UCAM Murcia FSF, Miguel Sánchez, e os técnicos laranxas do Burela FS, Suso Rey, e Burela FSF Pescados Rubén, Javier Pardeiro. Xunto ao alumnado da ED EON Burela FS, o técnico analizará o xogo e a toma de decisións individual e colectiva nunha sesión práctica, no pavillón Vista Alegre, a partir das 12.45 horas.
Xa pola tarde, o seleccionador protagonizará unha sinatura de autógrafos no pavillón e será nomeado Socio de Honra do club mariñán, antes do partido de Prata que medirá o Burela FS co UMA Antequera (17.00 horas). A primeira edición do encontro de base finalizará coa cita de Honra Burela FSF-UCAM Murcia (20.00 horas).
Sábado 22 de xaneiro
Hotel Nordés
10.30 horas: Presentación do seleccionador nacional, José Venancio
10.45 horas: Charla coloquio
11.45 horas: Entrega da Insignia de Ouro e Brillantes do CD Burela FS a José Venancio
Pavillón Vista Alegre
12.45 horas: Sesión práctica do seleccionador coa ED EON Burela FS
16.30 horas: Sinatura de autógrafos
16.50 horas: Nomeamento de José Venancio como Socio de Honra do CD Burela FS
17.00 horas: Burela FS-UMA Antequera, vixésimo primeira xornada de Prata
20.00 horas: Burela FSF-UCAM Murcia, décimo quinta xornada de Honra
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
