Nota de prensa:
Socialistas e nacionalistas cada día que pasa están a perder os seus argumentos mentirosos para atacar a xestión do SERGAS: nin vai pechar o hospital, nin se incrementan os traslados a outros centros, e hoxe se atende a máis pacientes en actividade ordinaria
O GRUPO POPULAR FELICITA Á XERENCIA E A TODO O CONXUNTO DO PERSOAL DO HOSPITAL DA COSTA POLAS MELLORAS ACADADAS EN MATERIA DE ASISTENCIA SANITARIA
o Os datos oficiais a 31 de decembro de 2010 sitúan ao centro hospitalario mariñán moito por riba dos obxectivos autonómicos e estatais en canto a atención de prioridades sanitarias, convérteo nun dos tres mellores de Galicia por rendimento cirúrxico e reduce en 28 días a lista de espera en consultas.
o Balseiro empraza a Rego a deixar de mentir en materia sanitaria e a reclamar o cese da Ministra socialista, Leire Pajín, xa que o Hospital da Costa esta moi por encima dos obxectivos marcados polo Goberno central
A Mariña, 22 de xaneiro de 2011.- O deputado do Grupo Parlamentario Popular, Jose Manuel Balseiro Orol, quixo felicitar á xerencia e ao conxunto do persoal que traballa no Hospital da Costa polas melloras acadadas en matería de asistencia sanitaria, segundo reflicten os datos oficiais feitos públicos nos pasados días polo SERGAS. O deputado popular subliña que este avance na actividade do centro hospitalario mariñán é un logro “colectivo” froito do traballo do actual equipo directivo e “cómpre insistir tamén” do compromiso dos seus profesionais, desde persoal sanitario, ata o último traballador/a do centro, celadores, persoal de limpeza… etc.
Balseiro lembra que con esta liña de mellora “vaise na boa dirección”, solucionando así moitos dos problemas cos que nos atopamos no pasado, despois de catro anos dun goberno bipartito que nada fixo polo hospital, salvo negarlle a asistencia sanitaria a máis de 1.400 pacientes cuias citas estaban agochadas nun caixón”
Os populares salientan algún dos datos coñecidos no día de onte como por exemplo que o Hospital da Costa volve a situarse nun dos tres mellores centros sanitarios de Galicia por rendimento cirúrxico, unha ratio que se está no 76,7%, ou tamén a redución en 28 días do tempo medio de espera dos pacientes para acudir á súa consulta cos especialistas, “son unha mostra evidente de que comezamos a superar os problemas herdados do bipartito, ademais incrementando o cadro de persoal, as dotacións tecnolóxicas, e executando obras que eles anunciaron miles de veces pero que tivo que ser un Goberno do PP quen as puxera en marcha, como é o caso da nova área de maternidade”.
DE TER QUE DIMITIR, QUE DIMITA A MINISTRA
O deputado popular insiste en que os datos oficiais a 31 de decembro de 2010 sitúan ao centro hospitalario mariñán moito por riba dos obxectivos autonómicos e estatais. “Polo tanto se o señor Rego critica ao Hospital da Costa terá que comezar por reclamar a dimisión non dos xestores do SERGAS senón da Ministra socialista de Sanidade, Leira Pajín, que para o conxunto do Estado establece unhas ratios moito peores das que se están a dar no Hospital da Costa”.
Afondando nesta cuestión Balseiro indicou que mentres que o Ministerio pide que os pacientes con prioridade 1 (aqueles cuxa problemática de saúde implica risco vital ) non superen a media de 30 días de espera, no Hospital da Costa a media de demora nesta prioridade 1 é tan só de 10 días. No caso dos pacientes de prioridade 2, (nos que a enfermidade é un condicionante importante para a súa saúde) o Ministerio esixe que a demora non vaia máis alá dos 80 días, e no Hospital da Costa está moito por debaixo, xa que é de 54,5 días de media. No tocante aos pacientes de prioridade 3 (nos que a enfermidade condiciona a súa calidade de vida) o Ministerio pide que non se superen os 180 días de espera, e o Hospital da Costa ten unha media de 95,4 dias de demora, tamén inferior á reclamada pola Ministra. En consecuencia, as críticas do PSOE deben ser “coherentes” xa que desde Madrid piden cousas distintas que aquí en Burela.
DISCURSO DO BIPARTITO: CADA VEZ MÁIS FEBLE
Balseiro insiste en que con cada día que pasa “socialistas e nacionalistas perden os seus argumentos máis mentirosos” para atacar a xestión do SERGAS. “Nin se vai a pechar o hospital –tal e como algún sigue dicindo por ahí faltando gravemente á verdade e a honestidade-, nin se incrementan os traslados a outros centros –hoxe máis do 90% dos pacientes son atendidos no Hospital da Costa unha ratio moito superior á que tiña o bipartito-.
O HOSPITAL RESOLVE MÁIS EN XORNADA ORDINARIA
Os populares esperan que o PSOE abandone esta estratexia temeraria e imprudente que pasa por insultar e poñer en cuestión a honestidade e profesionalidade dos médicos, para deste xeito xogar á política contra o SERGAS. De feito unho dos datos coñecidos é precisamente que hoxe o Hospital gasta moito menos en autoconcertación que o facía en tempos do bipartito e ademais resolve moitos máis casos en xornada ordinaria
O deputado popular sinala ademais o avance en materia de atención en xornada ordinaria que increméntase nun 18% respecto da actividade cirúrxica –cando a media galega é dun incremento do 7%- e sube máis dun 10% a actividade ordinaria para pacientes que acuden por primeira vez ao Hospital a petición dos seus médicos de atención primaria.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
