A tenente de alcalde de Burela achaca á ignorancia as dubidas sobre a pista de padel e subvencións

pon en dubida

Nota de prensa

NEVES CANDO RECOMÉNDALLE AO PP QUE SE ENTERE BEN ANTES DE FALAR PORQUE SENÓN ESTÁN A DEMOSTRAR A SÚA IGNORANCIA OU A SÚA CONDICIÓN DE MENTIROSOS.

Burela, 16 de febreiro de 2011. A tenente de alcalde de Burela, Neves Cando, recoméndalle ao PP que se entere ben antes de falar porque senón están a demostrar a súa ignorancia ou a súa condición de mentirosos. A edil nacionalista refírese de novo á construcción dunha pista de pádel en Burela e á renuncia dunha subvención para festas populares.

Neves Cando manifestou que “desde que entramos no goberno municipal de Burela na Delegación de Deportes propuxémonos mellorar e aumentar as instalacións deportivas do noso pobo. E así ampliamos o pavillón Vista Alegre, unha obra cofinanciada pola anterior Xunta cando o BNG levaba a Dirección Xeral para o Deporte; xestionamos a construcción do primeiro campo de herba artificial da Mariña, tamén cofinanciado pola anterior Xunta e agora xestionamos a construcción dunha pista de pádel, financiada íntegramente pola Deputación de Lugo e a súa Área de Deportes. É dicir tres importantes equipamentos deportivos en pouco máis de tres anos de goberno municipal e gustaríame saber si o PP pode presumir deste curriculum nos 15 anos que gobernou Burela”.

A edil de Deportes sinalou que “agora parece que ao PP de Burela non lle gusta que se faga unha pista de pádel porque ao PP de Burela non lle gusta nada do que faga o goberno municipal e dalle voltas e voltas ao tema cando a cousa é ben fácil. Conseguimos a construcción dunha pista de pádel financiada ao cen por cen pola Deputación de Lugo para que todos os veciños e veciñas de Burela poidan disfrutar deste novo deporte e temos os cartos conseguidos e temos a prórroga para executar a obra, non vexo entón cal sexa o problema. Fala o PP de irregularidades cando se teñen todos os papeis asinados e os permisos solicitados. É curioso isto último cando o portavoz do PP, o señor González Barcia, recoñeceu nun acto público non ter pedido nin autorización siquera para unhas obras feitas na súa época”.

Cando engadiu que “temos que falar da época do PP porque vostede non é quen de dar leccións sobre legalidade cando falamos por exemplo do tema de Torrentes, porque como dicía hai uns días, fixo vostede tal chapuza que foi anulada por sentenza xudicial a aprobación definitiva do proxecto de reparcelación. E tivémola que facer nós agora para que se puidese rematar esta obra. Cando as cousas non se fan ben pasa o que pasa e despois temos que arreglalas outros, tiñan moita presa por sacar adiante esta unidade de actuación de Torrentes e fixeron as cousas moi mal e non é que o digamos nós, díxoo unha sentenza do xulgado”.

Rúa Eijo Garay

A tenente de alcalde de Burela considera que “tamén fixeron as cousas mal ou máis ben non as fixeron cando se trata de falar das obras de mellora da rúa Eijo Garay, que tiñan unha subvención de casi 200.000 euros da Xunta e que o PP perdeu porque non fixo a tempo as obras e despois eses cartos tivémolos que pagar todos os veciños de Burela. O que non conta o PP é que daquela presentou un recurso contra a Xunta por este tema e perdéuno, a xustiza deulle a razón á Xunta en contra do Concello e da irresponsabilidade do PP daquela gobernando en Burela que non fixo os deberes con xeito”. Neves Cando seguiu a relatar “e din que a culpa foi miña, eu a isto contestaría coa seguinte reflexión, o PP de Burela visita moito a Xunta últimamente para interesarse, di, por cuestións do noso pobo e o resultado é o seguinte: trabas da Xunta ao noso PXOM, Burela pasa a ser unha vila de segunda división nas Directrices de Ordenación do Territorio da Xunta e Burela queda coartada de expansión urbanística no Plan de Ordenación do Litoral. E eu pregúntome si estes tres exemplos son escuras e partidistas manobras do señor González Barcia, sempre pendente de perxudicar ao goberno municipal aínda que tamén perxudique aos veciños e veciñas de Burela, ou como di o refrán pensa o ladrón que todos son da súa mesma condición”.

Subvención para festas populares

A concelleira de Cultura referíuse tamén á renuncia a unha subvención para festas populares, algo ao que aludía o PP nas últimas horas. Cando pídelle ao señor González Barcia que “antes de falar de algo que se informe ben, porque o que di demostra que non se entera de nada, porque renunciamos a esa subvención da Xunta porque xa conseguíramos o financiamento por outro lado e ao 100% e era incompatible esta segunda subvención coa da Xunta e porque di que se podería ter pedido para a festa do bonito ou para a romería do Monte Castelo. E iso señor González Barcia é mentira, lea vostede os papeis, segundo a convocatoria que fixo a Xunta para estas subvencións de festas populares ou eventos de interese turístico só se podía solicitar si os Concellos eran as únicas entidades organizadoras e nós, por se non o sabe o señor Barcia, non somos os organizadores da festa do bonito senón que é a asociación Ledicia nin da romería do Monte Castelo, que ten outra asociación que é a organizadora e por iso non puidemos solicitar esa subvención. Señores do PP de Burela entérense do que falan antes de facelo porque senón están a demostrar a súa ignorancia ou a súa condición de mentirosos”.