Nota de prensa
Hernández reitera que nin os pozos propios nin as traídas veciñais terán que pagar o canon da auga
* O conselleiro de Medio Ambiente sinala que, unha vez aplicada a bonificación do 90% a estes usuarios, o canon suporá unha media de 14 céntimos ao mes por persoa (menos de dous euros ao ano), polo que na maior parte dos casos o seu cobro será antieconómico para a administración
* A Lei de Augas tamén contempla que os usos agrarios, gandeiros e forestais, que representan unha elevada porcentaxe de consumo de auga nas traídas veciñais, quedan exentos do pago do canon
* A Lei tampouco esixe para estes casos a obriga de instalar contadores
Santiago, 9 de febreiro de 2011.- O conselleiro de Medio Ambiente, Territorio e Infraestruturas, Agustín Hernández, reiterou esta mañá que os usuarios que teñan captacións propias, como pozos ou mananciais, non terán que pagar o canon da auga. Así mesmo, tal e como establece a nova Lei de Augas de Galicia, aplicarase unha bonificación do 90% ás comunidades de usuarios, tradicionalmente chamadas traídas veciñais, polo que na práctica a maior parte das mesmas tampouco terán que pagar o canon xa que o seu cobro sería antieconómico para a administración.
A modo de exemplo, explicou que unha familia de 3 membros que se abasteza de traídas veciñais e que consuman mensualmente unha media de 5m3 por persoa e mes, co novo canon da auga pagarían 43 céntimos ao mes, é dicir, aproximadamente 5 euros ao ano. Isto supón 14 céntimos ao mes por persoa e menos de dous euros anuais. “Unha cantidade que en moitas ocasións non fará rendible o seu cobro que, en todo caso, se considera asumible”, aclarou.
Hernández destacou que a bonificación que establece a nova Lei de Augas de Galicia para os usos domésticos con captacións propias e para as traídas veciñais obedece ao recoñecemento do gran esforzo que os habitantes do rural deberon afrontar de cara a dispoñer dun servizo tan elemental como é a auga que, por razóns de diversa índole, as administracións non foron quen de proporcionarlles.
Lembrou que a Lei de Augas tamén contempla que os usos agrarios, gandeiros e forestais, que representan unha elevada porcentaxe de consumo de auga nas traídas veciñais, quedan exentos do pago do canon.
Polo tanto, aínda que non existe unha exención expresa na Lei para os pozos particulares ou comunidades de usuarios, a configuración do propio tributo fai que, na práctica, estes usos estean “exentos” do pagamento do canon da auga, por representar un importe cuxa esixencia resultaría un custo superior para as arcas públicas do que se percibiría da súa repercusión.
Deste modo, a Lei dálle cumprimento ao mandato da Directiva Marco da Auga do establecemento de instrumentos financeiros vinculados á recuperación de custos no ciclo da auga e, por outra parte, libera aos usos domésticos con pozos propios do pagamento do canon da auga.
Aclarou que a Lei de Augas tampouco esixe para estes casos a obriga de instalar contadores. Dado que a realidade galega no rural é que non haxa contadores instalados, a propia Lei permite a posibilidade de determinar o canon da auga por métodos de estimación obxectiva.
A este respecto, a Lei de Augas de Galicia establece que nos usos domésticos que non teñan instalados o contador, a base impoñible (é dicir, o volume de auga consumido) determinarase a partir dos volumes de dotación básica de auga para vivendas que se establezan nos regulamentos que desenvolverán a Lei.
http://www.xunta.es/notas-de-prensa?p_p_id=ipecos_opencms_portlet_INSTANCE_c0aE&p_p_lifecycle=0&p_p_state=normal&p_p_col_id=column-2&p_p_col_count=1&_ipecos_opencms_portlet_INSTANCE_c0aE_content=%2Fopencms%2FPortal-Web%2FContidos%2FNovas%2Fnova_estandar10694.html
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
