Nota de prensa:
O presidente do PPdeG lamenta que, nos tempos que corren, os cidadáns xa non confían no Goberno de España; e o Goberno de España goberna desde a desconfianza
Feijóo: “Os principais problemas dun Goberno municipal deben ser os problemas dos cidadáns; e non do propio Concello”
* Indica que o PPdeG representa a austeridade, a planificación, a xestión e o rigor, exactamente o contrario do que teñen propiciado demasiados gobernos socialistas e nacionalistas
* Di que é máis que nunca o momento da unidade e de sumar éxitos, forzas, ideas e obxectivos e indicou que fronte aos que dividen e están divididos está o PP
Mondoñedo, 26 de febreiro de 2011-. O presidente do PPdeG, Alberto Núñez Feijóo, afirmou hoxe que, “os principais problemas dun Goberno municipal deben ser os problemas dos cidadáns; e non do propio Concello”.
Así se expresaba o líder dos populares galegos na presentación da candidata á Alcaldía de Mondoñedo, Elena Candia, onde sinalou que hai nos populares unha alternativa de xestión ao experimento socialista en España, que ten unha reproducción en miniatura nos concellos gobernados polo PSOE e, nos que hai bipartitos de socialistas e nacionalistas, irmáns do bipartito galego e o tripartito catalán.
Tras o acto de Mondoñedo, Núñez Feijóo participou tamén este serán na presentación do candidato á Alcaldía da Pastoriza, José Yánez.
O GOBERNO DA DESCONFIANZA
Segundo Feijóo, aos malos datos económicos que hoxe presenta España, engádeselle unha percepción de desconfianza coa que non será posible solucionar o primeiro: os cidadáns xa non confían no Goberno de España; e o Goberno de España goberna desde a desconfianza cara ás Comunidades e os Concellos, aos que quere facer pagar a débeda da súa mala previsión económica; desde a desconfianza que España xera nos mercados e institucións europeas; e desde a desconfianza nos cidadáns, aos que temen ter que escoitar nas urnas.
Con respecto a isto, o dirixente popular sinalou que é necesario xestionar a España real desde as Comunidades e os concellos, dicindo como están as cousas e ata onde se pode chegar e amosando que hai outra forma de gobernar alternativa á actual en España.
Así, fronte á ficción socialista, os populares parten dunha realidade e da verdade da España na que vivimos, da Galicia real, do concello tal e como está e das preocupacións dos cidadáns para que estas sexan as primeiras ocupacións dos novos gobernos locais.
Nesta liña, Feijóo indicou que o PPdeG representa a austeridade, a planificación, a xestión e o rigor, exactamente o contrario do que teñen propiciado demasiados gobernos socialistas e nacionalistas.
OS COMPROMISOS DO PPdeG
Por outra banda, Feijóo subliñou que os populares están comprometidos co emprego, para non dar un paso que non signifique ampliar as oportunidades que se poidan xerar nos concellos; co benestar, cunha política económica que faga posible a política social desde as persoas que máis o precisan a todos os cidadáns.
Do mesmo xeito, asegurou que os populares, ao igual que o Goberno galego, se comprometen cunha política económica equilibrada, para non condenar aos concellos a débedas impagables ás que terán que facer fronte xeracións futuras e presentes; coa cooperación, para que Galicia sexa un país máis competitivo; cunha xestión que substitúa á burocracia e os trámites innecesarios pola eficacia e o servizo público; e con non subir os impostos aos cidadáns e, en todo caso, baixalos.
Segundo Feijóo, é máis que nunca o momento da unidade e de sumar éxitos, forzas, ideas e obxectivos e indicou que fronte aos que dividen e están divididos está o PP, un partido que, como Galicia, é libre e fiable.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
