Desfile de Entroido do PAI de Cervo

Os nenos e nenas do Punto de Atención á Infancia do Concello de Cervo celebraron hoxe o seu propio desfile de Entroido. Os pequenos percorreron o treito que separan as instalacións deste servizo municipal de carácter gratuíto para os nenos en idade preescolar ata a zona do Pedregal e posteriormente voltaron ao seu punto de partida baixo a atenta mirada dos seus pais e nais e co acompañamento dos profesionais que atenden esta gardería.  A pesar do pouco treito do percorrido (apenas 200 metros) estes pequenos comezaron a gozar da maxia dos disfraces e do Entroido.