Dille o PSOE de Cervo ao PP que debe criticar a “quen unifica centros sen contar coas instalacións axeitadas”

Nota de prensa:
O PP DE CERVO DEBE DIRIXIR AS SÚAS CRÍTICAS AOS IRRESPONSABLES QUE UNIFICAN CENTROS SEN CONTAR PREVIAMENTE COAS INSTALACIÓNS AXEITADAS
PARA OS POPULARES ERA URXENTE CONTAR CUN PABILLÓN COMPLETO CANDO EXISTÍAN DOUS CENTROS, PERO A URXENCIA ESFUMOUSE DESPOIS DA UNIFICACIÓN

CERVO, 16 DE MARZO

A Xunta bipartita xa non está no goberno e polo tanto o PP de Cervo debe redirixir as súas críticas aos responsables do actual goberno de Feijóo polo retraso na execución das obras de ampliación do pabillón de Galdín,

Debemos recordarlle ao PP, que os Socialistas decidimos no seu día apostar por manter os dous centros educativos de San Ciprián ata a resolución por parte da xustiza dos recursos interpuestos en todo o referente ao proceso da recalificación dos terreos do CEIP Rivera Casás, apostando nun futuro por unificar os centros neste último.

Pero coa chegada do PP á Xunta de Galicia, modificaronse os plans sobre a unificación dos centros e decideuse in extremis unificar a toda costa no CEIP de Galdín, sen contar coas infraestructuras que segundo o PP eran “urxentes” e vitais para os nenos.

O PP fala agora de “mellora” en lugar de “urxencia vital”

Parece lóxico pensar que se o espazo do pabillón polideportivo era pequeno e causaba prexuizos a 70 nenos, tal e coma criticou o PP de Cervo, ao incrementarse a comunidade educativa en case 60 nenos máis, sería “vital” acometer as obras de ampliación antes de proceder con tanta urxencia e atropelo á unificación. Sen embargo, parece que onde antes veian unha “urxencia vital”, os populares, agora ven unha mellora que concede a Xunta de Feijóo, aínda que sexa con mais de dous anos (o máis) de retraso

En definitiva, todo un retrato de como actúa o PP, con anuncios de obras o primeiro ano; anuncio de estudos e licitacións o segundo e a ver, se con un pouco de sorte, despois de tres anos, conseguimos que o CEIP de Cervo Nº 1 teña o pabillón acorde coas necesidades da comunidade educativa.