Nota de prensa
UNHA RUTA DE SENDEIRISMO PARA TODA A FAMILIA, DÚAS EXPOSICIÓNS DE RIBADENSES E DIVERSAS ACTIVIDADES DURANTE O RIBADEO DE TAPEO, SON ALGUNHAS DAS NOVIDADES DA PROGRAMACIÓN CULTURAL DO CONCELLO PARA O SEGUNDO TRIMESTRE DESTE ANO.
Ribadeo, 30 de marzo de 2011. Teatro infantil e para adultos, música, danza, exposicións e cine son algunhas das actividades das que poderán disfrutar os veciños de Ribadeo ao longo do segundo trimestre deste 2011. A concelleira de Cultura, Mariluz Álvarez Lastra, presentou a programación este mediodía no salón de plenos do Concello.
A edil nacionalista sinalou que “seguindo a liña que vimos mantendo nos últimos anos a actividade cultural vai estar moi diversificada, haberá teatro para adultos, teatro para o público infantil, música, danza e exposicións. Todo isto tendo en conta o momento crítico que se está a vivir e adaptando os presupostos, pero non por iso deixando de facer aquelas cousas que nos parecen dun interese básico e que serven como motor e dinamizador das distintas áreas económicas da nosa vila”.
Teatro
A axenda cultural deste segundo trimestre do ano comeza esta fin cunha soble sesión de teatro, “xa sabedes que Buxiganga é un proxecto da Área de Cultura da Deputación de Lugo que busca dinamizar e promocionar o teatro afeccionado feito na provincia. Ribadeo acolleuse desde o primeiro momento a este programa de representacións. Este sábado os sete grupos de teatro que existen na Mariña van estar na nosa vila amosando un pedazo das obras que teñen en cartel. O atractivo da idea é que se vai facer polas rúas de Ribadeo en sete lugares. Comeza A Adala de Cervo ás nove da noite na praciña de San Roque, despois outro grupo fará a súa representación onde o Cine Teatro e así ata completar os sete grupos en sete localizacións. Convidamos a todos os veciños e veciñas a este paseo teatral que vai animar seguro a noitiña deste sábado”.
Álvarez Lastra seguiu a contar que “o vindeiro domingo, coma sempre ás oito e media da tarde, acollemos a segunda representación neste ano dun premio teatral xa que Teatro Galileo trae Sempre quixen bailar un tango, de Teresa González. Un texto que obtivo o Premio Álvaro Cunqueiro en 2008. No elenco de actores aparecen rostros que coñecemos a través da televisión ou o cinema como Isabel Blanco (Un franco, 14 pesetas ou Mareas vivas) e Ana Santos (famosa agora mesmo polo seu papel de Elsiña en Padre Casares)”.
A concelleira de Cultura engadiu que “continuaremos con máis teatro profesional e os máis pequenos teran un espazo importante este trimestre. Xa escomezamos o sábado pasado cunha actividade na biblioteca municipal e teremos teatro profesional con Sarabela e Viravolta e haberá actividades de animación á lectura na biblioteca. Coma novidade este ano as rutas de sendeirismo Os domingos a pé ábrense para toda a familia, en xuño realizaremos unha para maiores e pequenos, parécenos importante que pais e nenos poidan disfrutar dunha das rutas que recentemente divulgou o Concello de Ribadeo”.
Música
Mariluz Álvarez Lastra tamén adiantou que “no ámbito da música, o prato forte desta tempada será a presentación en abril do novo disco de Marful no Cine Teatro de Ribadeo, haberá outras citas como a actuación da formación que fixo a banda sonora dos Krevinkski o vindeiro 29 de maio. Ademáis dentro da actividade da EMMD temos o festival polo Día da Danza, os concertos polo Día das Letras ou a organización do Certame Hernán Naval e dun interesante ciclo de concertos didácticos adicados á obra de mulleres compositoras. Tamén a BMMR terá presenza neste trimestre como vén sendo habitual e teremos ocasión de escoitar a Coral Polifónica no pregón de Semana Santa”.
Exposicións
As exposicións se poderán ver neste trimestre “estarán ao cargo de dous ribadenses. A Asociación Cultural El Farero vai facer unha exposición de fotografías de Ribadeo en 3D na oficina nova de turismo na semana santa. E na oficina do parque de San Francisco Chenchu López fará unha retrospectiva de carteis ligados á Escola de Música e á Banda Municipal, á que estivo moi vinculado. A maiores a obra social de Cajastur ofrécenos unha exposición fotográfica de Javier Bauluz sobre o conflicto de Palestina, algo que nos fará reflexionar un pouco sobre este asunto”.
Ribadeo de tapeo
A concelleira de Cultura engadiu que “a actividade cultural de Ribadeo tamén está coordinada con outras citas que teremos ao longo dos vindeiros meses. A nosa aposta será importante no Ribadeo de tapeo. Haberá a proxección da película de Jorge Coira 18 comidas e tamén unha serie de monólogos arredor deste tema a cargo de Cándido Pazó”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
