Nota de prensa
ERNANDO SUÁREZ SUBLIÑOU QUE O ACORDO ASINADO NO SEU DÍA ENTRE A XUNTA E O BISPADO CONTEMPLA A CESIÓN DA ANTIGA RECTORAL DE OVE E DA PARCELA NA QUE SE ATOPA UBICADA. O REXEDOR ACUSA AO GOBERNO GALEGO DE QUERER INTOXICAR Á OPINIÓN PÚBLICA REINTERPRETANDO DITO ACORDO.
Ribadeo, 15 de abril de 2011. O alcalde de Ribadeo, Fernando Suárez, subliña que o acordo asinado no seu día entre a Xunta e o Bispado contempla a cesión da antiga rectoral de Ove e da parcela na que se atopa ubicada. E acusa ao goberno galego de querer intoxicar á opinión pública reinterpretando dito acordo.
O rexedor dixo que “pasaron dous anos desde que se asinou un convenio entre a daquela Vicepresidencia da Xunta e o Bispado de Mondoñedo-Ferrol e o goberno galego a parte de non facer absolutamente nada nestes dous anos máis do que xa quedou feito, o único que se limita é a facer certas insinuacións ou dar malas interpretacións dese convenio que poida levar a equívocos dalgunha xente”.
Fernando Suárez asegurou que “con esto non quero para nada cuestionar a actividade loable que está a facer a plataforma que quere unha residencia da terceira idade en Ribadeo, algo que eu apoiei públicamente e así seguirei, aínda que leo con certo disgusto nalgún medio de comunicación algunha opinión que, pola información que o propio PP lles deu dalgún xeito, non entende moi ben o que no seu momento se asinou entre a Xunta e o Bispado”.
O alcalde subliñou que “o que se asinou está no convenio, que eu mandei aos medios para que se vexa con claridade e con nitidez, é a cesión dun edificio dentro dunha parcela cuns lindes concretos, para facer primeiramente un centro de día para enfermos de alzheimer. Para iso a Xunta anterior encargou a redacción dun proxecto, que se fixo, desde o Concello se axilizaron e se tramitaron os permisos, sobre todo aqueles máis complicados como os de Cultura, Patrimonio e Urbanismo. Éstes están totalmente autorizados e a Xunta só ten que licitar as obras para convertir, reformar e ampliar a actual rectoral de Ove, que está en ruinas, e crear un centro de día para enfermos de alzheimer. Dito centro, segundo o proxecto, tería unha capacidade para 30 prazas. Hai que ter en conta que, segundo os servizos técnicos municipais, temos máis de 100 persoas só en Ribadeo afectadas por esta doenza”.
Suárez Barcia engadiu que “unha vez que o PXOM se aprobe definitivamente non ten que recalificar ningún terreo, simplemente que nese núcleo de Ove, que sempre foi núcleo rural e seguirá a selo sen recalificación algunha, nesa parcela, nesa cortiña anexa que tamén foi cedida, segundo reza no convenio, é onde a Xunta ten a posibilidade de construir unha residencia anexa. A Xunta pode facelo aí ou onde mellor vexa. A nós humildemente parécenos a mellor das ubicacións pola cercanía a Ribadeo, por ser un sitio tranquilo e difícilmente conseguible noutro punto, pero iso sempre queda aberto”.
Ao alcalde o que lle doe é que “dalgunha maneira o goberno da Xunta leve 2 anos se mover un só dedo para que o centro de día de alzheimer sexa unha realidade e agora en vísperas electorais quere intoxicar á opinión pública reinterpretando o acordo inicial, botando balóns fora e botándolle a culpa aos demáis”.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
