Nota de prensa:
Os nacionalistas afirman que é tempo de solucións non de descualificacións
Basanta chama a optar entre “máis do mesmo” ou o BNG
Foz a 16 de abril de 2011.- O Bloque Nacionalista Galego presentou na xornada de onte nun abarrotado Restaurante Xoíña de Foz a súa candidatura para os vindeiros comicios do 22 de Maio no que fixeron uso da palabra Balbino Fernández López, número da lista do BNG, o parlamentario Fernando Blanco e o candidato nacionalista Xoán Carlos González Basanta.
Balbino Fernández que abriu o acto, presentou a candidatura nacionalista “como unha equipa de traballo, solvente e eficaz, para facer posíbel o cambio desde a esquerda. Temos equipa, pero tamén temos as propostas, que non son outras que as que viñemos defendendo nestes últimos catro anos, isto é a dun Goberno cuxa xestión se oriente a creación de emprego e ao desenvolvemento económico e a mellora e extensión dos servicios públicos. E sobre todo temos a vontade, como espello do acontecido en Foz nestes catro anos, onde só a representación do BNG se mantivo fiel ao que no seu momento recollemos no noso programa e defendemos na campaña electoral. Non hai ningún resultado certo, nin nos últimos tempos houbo en Foz unhas eleccións tan abertas, polo que o cambio só está nas mans do traballo e do esforzo dos homes e das mulleres do BNG”.
Xoán Carlos G. Basanta, pola súa banda afirmou, que “a nosa vai ser unha campaña fundamentada na proposta e nas alternativas. Non nos parece de recibo que se pretenda levar a corporación os problemas persoais que poidan ter entre si os diferentes candidatos, posto que a corporación debe estar para poñer solucións aos problemas dos veciños e non para trasladarlle a estes os problemas da Corporación. É lamentábel que se pretenda agochar a falta de programa ou a ausencia de diferencias reais entre aqueles que estiveron gobernando xuntos nos últimos 16 anos ou apoiándose naquelas cuestións realmente importantes, acudindo ao insulto e a descualificación. Isto é que non conten con nos para un partido que pretenden xogar nun campo embarrado”.
O cabeza de lista dos nacionalistas que se referiu aos populares como “o socio de Rivera nos últimos catro anos” afirmou que “na lista do PP non hai nada novo, agás a cara dos candidatos, pero que o seu programa é o mesmo de sempre, o programa do castigo e da marxinación a Foz e aos seus veciños e tamén son os mesmos de sempre os seus dirixentes. No PP de hoxe seguen a mandar os mesmos que deixaron a Foz sen urxencias, que onte lle negaron a residencia e que agora queren fechar o Asilo”. Asemade advertiu que “ non se deixen enganar os veciños de Foz por aqueles que andan pedindo votos coa man esquerda para logo entregarllos a dereita”.
Xa por último Basanta mostrou o seu convencemento de que calquera goberno que se conforme en Foz após do 22 de Maio pasa polo BNG a par que indicou que “é necesario un cambio político, porque o Goberno actual está esgotado, non dá máis de si e á marxe da herdanza nefasta que nos deixa a todos os focegos, a súa práctica incapacitao para poñer en riba da mesa algunha solución aos problemas dos veciños do Concello. Non é de recibo que se presente como alternativa a Rivera quen foi o seu leal compañeiro nestes últimos 16 anos. En definitiva en Foz toca apostar por máis do mesmo ou polo BNG”.
Xo
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
