O BNG ve vergonzosa a actuación de Portos en Foz porque “as lanchas pagan sen ter servizos”

Nota de prensa:
O BNG ve vergonzosa a actuación de Portos en Foz

Basanta afirma que “as lanchas en Foz pagan sen ter servizos”

Foz a 14 de abril de 2011.- O BNG de Foz critica a actuación de Portos no caso da suba de tarifas e ve vergonzosa a resposta do organismo da Xunta diante dos roubos que se producen moi habitualmente no porto de Foz.

Basanta afirma que se Portos sube as tarifas debe prestar os mesmos servizos que hai noutros portos da Mariña e de Galiza. É inxusto que se cobra o mesmo nuns atraques que nin teñen calado para pasar as embarcacións, nin teñen servizo de grúa por levar meses avariada e sen amañar nin polo que se ve servizo de vixilancia aínda que si hai cámaras. Falando disto é bastante ridícula a contestación de Portos diante dos roubos que se produciron durante estes días nalgunhas lanchas que teñen o seu atraque nalgúns dos muelles de Foz excusando a circunstancia porque as cámaras gravan pero están de proba e non saben se servirán para denunciar os roubos. En fin que hai cámaras como se non as houbera.

O BNG cre polo tanto que diante desta situación de todo esperpéntica, Portos debe reconsiderar a decisión de subir o dobre as tarifas portuarias en Foz porque non ten o porto de Foz os mesmos servizos que se dan noutros portos e polo tanto non se pode pagar o mesmo.