Nota de prensa:
Á SEXTA PODE IR A VENCIDA…
Burela, Vista Alegre e os amantes do fútbol sala volverán vestir mañá as súas mellores galas laranxas para acoller a sexta fase de ascenso á División de Honra da historia do Burela FS, coa visita do Colegios Arenas Gáldar (19.00 horas). Porque á sexta tentativa si que pode ir a vencida!
Conscientes da importancia desta primeira embestida e co apoio incondicional da apaixonada afección laranxa, os burelistas sairán sen miramentos a pola vitoria ante un rival veterano nas loitas pola elite, que tan só os avantaxou en dous puntos na clasificación final. Aínda que os encontros de play off son outro mundo, os resultados da liga animan os pupilos de Suso Rey, con empate na bomboneira (2-2) e o triunfo de hai un par de semanas nas illas (3-4), para viaxar a Gáldar coa eliminatoria a favor.
Suso Méndez acudirá á cita sen baixas no cadro canario. No vestiario laranxa, non poderá participar Edu, por unha lesión muscular con desinserción parcial da zona isquiotibial dos bíceps femoral e semitendinoso que o manterá afastado algunhas semanas; Christian será dúbida por unha inflamación no xeonllo. Como novidade na convocatoria, entrará o meta xuvenil Juan.
Todas as persoas que vaian vestidas coa cor laranxa entrarán nun sorteo de indumentaria do club. A taquilla estará aberta dende as 18.00 horas (Socios: adulto 3 euros, xuvenil 2 euros // Non socios: adulto 10 euros, xuvenil 3 euros).
Minuto de silencio. Vista Alegre gardará un minuto de silencio antes do asubío inicial, en memoria das vítimas do terremoto que golpeou a localidade murciana de Lorca esta semana.
A Pataca Naranxa
Os/As seareiros/as da Pataca Naranxa comezarán a festa de play off ás 12.00 horas na praza de abastos, cun xantar programado para as 15.00 horas. Antes do comezo da primeira eliminatoria de ascenso, a peña burelista tamén fará entrega dos seus trofeos para Edu, como mellor xogador, e Víctor Cachón, como máximo goleador; o gardameta naronés tamén recollerá o galardón de xogador máis valorado polos internautas asiduos a www.patacanaranxa.com.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
