O PP critica en campaña ao BNG

Nota de prensa:
Pagan propaganda electoral nos medios de comunicación pero despois nun cumpren con feitos alí onde gobernan
O COMPROMISO DO BNG POR MANCOMUNAR SERVIZOS MUNICIPAIS É ESTRICTAMENTE PUBLICITARIO POIS TODOS ALCALDES NACIONALISTAS DESPREZAN Á MANCOMUNIDADE DA MARIÑA

Os alcaldes nacionalistas de Ribadeo e Mondoñedo nin tan sequera pagan as cotas da mancomunidade comarcal e Riotorto, xunto aos dous anteriores, non asisten a ningún dos seus plenos.

A Mariña, 13 de maio de 2011.- Os populares veñen de denunciar que o compromiso do Bloque Nacionalista Galego por mancomunar servizos municipais entre os distintos concellos da nosa comarca é estritamente publicitario pois os actuais alcaldes nacionalistas desprezan e dan as costas á Mancomunidade da Mariña lucense, precisamente o organismo encargado de articular este tipo de servizos conxuntos.

O PP considera lamentable que os nacionalistas paguen propaganda electoral nos distintos medios de comunicación promovendo a importancia e os beneficios dos servizos mancomunados pero despois sexan incapaces de demostrar con feitos este compromiso alí onde polo momento gobernan. A súa é unha actitude hipócrita que lles deixa en evidencia na práctica.

Os populares van máis lonxe aínda e exemplifican a súa denuncia con casos concretos. Así por exemplo o alcalde nacionalista de Ribadeo, aínda que tomou posesión na Mancomunidade non volveu a ningún dos plenos deste organismo e nin tan sequera paga as cotas que lle corresponden. No tocante ao concello de Mondoñedo, o seu alcalde, nin paga as cotas correspondentes, nin tan sequera tomou posesión. Finalmente o alcalde de Riotorto, si tomou posesión e si pagou as cotas, pero non asistiu a ningún dos plenos da mancomunidade convocados.