A Escola de Música e Danza de Ribadeo celebra no auditorio municipal Hernán Naval o festival de fin de curso

17 Xuño, 2011

Nota de prensa

A ESCOLA MUNICIPAL DE MÚSICA E DANZA DE RIBADEO CELEBRA MAÑÁ O SEU FESTIVAL DE FIN DE CURSO.

Ribadeo, 17 de xuño de 2011. A Escola Municipal de Música e Danza (EMMeD) de Ribadeo celebra este sábado, 18 de xuño, ás 18.00 horas no Auditorio Municipal Hernán Naval o seu tradicional festival de fin de curso. Esta actividade ten carácter de “peche simbólico” do curso académico 2010/11 aínda que a actividade da EMMeD de Ribadeo continúa durante as vindeiras semanas. Diferentes formacións do centro actuarán este luns nun concerto didáctico e as agrupacións de danza e ballet desprazaranse ao longo da vindeira semana ao concello asturiano de Pola de Siero para unha actuación.

O festival deste ano está centrado no mundo do circo e arredor del xirará todo o espectáculo musical que están preparando as diferentes agrupacións que pasarán por riba do escenario do Auditorio Municipal Hernán Naval. “Ven sendo habitual todos os anos que haxa sorpresas, moita diversión pero sobre todo música, boa música”, segundo salientou Hugo García Presno, director da EMMeD de Ribadeo.

O responsable da EMMeD aproveitou a ocasión para agradecer a adicación e máis o esforzo “tanto das alumnas e alumnos do centro coma do profesorado durante todo o ano sen o cal non sería posíbel chegar a onde estamos”. Un satisfeito Hugo García engadiu que “a EMMeD de Ribadeo, tomando como base o modelo de escola de música que concebira no seu momento Hernán Naval, mantense coma un centro de referencia en todo o país, con ducias de actividades estábles ao longo do ano, cunha matrícula que aumenta ano a ano, con profesionais especialistas en cada unha das materias e ampliando a oferta educativa con novas materias en cada curso”.

O programa que van interpretar as alumnas e alumnos da EMMeD de Ribadeo así como as formacións participantes no concerto son as seguintes:

· Mix de Richard Clayderman……………….Arr.: Martín Bucki

· O golpe de Mondariz / Polca de Matos….……….Tradicional

· Fofó era una payaso……………….………Andrés Meseguer

· The entry of gladiators……………………….……Julius Fucik

· Gentry´s triunphal march………………………….Fred Jewell

· Danza china…………………………….…….P. I. Tchaikovski

· La gallina turuleca……….…………………………Arr.: Prisco

· En el auto de papá………………………Arr.: David Ballester

· Cómo me pica la nariz…………………..…Arr.: Hugo García

· The sabre dance..………………………..Aram Khachaturian

· Había una vez… ………………………………………….Miliki