Nota de prensa:
O BNG SOLICITARÁ INFORMACIÓN SOBRE AS CONTRATACIÓNS REALIZADAS POLO CONCELLO NOS ÚLTIMOS DÍAS. OS NACIONALISTAS CONSIDERAN QUE SE ESTÁN A PAGAR OS FAVORES ELEITORAIS DO PP, GASTANDO O DIÑEIRO DE TODOS SEN CONTROL.
Barreiros, 16 de xuño de 2011. O BNG de Barreiros solicitará do goberno municipal toda a información existente ao respecto das contratacións de persoal realizadas nas últimas semanas. Os nacionalistas aseguran que “desde o Concello de Barreiros tense contratado numeroso persoal sen ter asignada unha función clara, nen ter organizado o traballo a desenvolver polas persoas elixidas. Igualmente, e como xa é habitual en Barreiros, non se ten dotado a este proceso selectivo de bases de contratación, polo que non se pode determinar se a selección respectou os criterios de igualdade, mérito e capacidade”.
Nas últimas horas, o BNG recibiu información ao respecto de contratación de persoal para o servizo de obras, “tal contratación, realizouse sen publicidade algunha e sen atender á profesionalidade das persoas que se presentaron para a súa elección. Este aspecto é particularmente relevante tendo en conta que o servizo de obras debería estar perfectamente organizado xa que no Concello de Barreiros se conta, polo menos ata este momento, cun concelleiro de obras con adicación exclusiva”, sinalan os nacionalistas barreirenses.
Desde o BNG de Barreiros din que “é evidente que a razón última destas contratacións é pagar con eles os votos recibidos nas pasadas eleccións polo Partido Popular con Alfonso Fuente á cabeza. Polo tanto, a contratación de persoal non responde a un plan de traballo deseñado e acorde coas necesidades das veciñas e veciños. O Partido Popular centrou a súa campaña electoral en xogar coas persoas, aproveitando os problemas laborais da xente e prometendo postos de traballo a cambio do apoio nas urnas. Trátase polo tanto, dunha utilización clara do Concello e do diñeiro público para poñelos ao servizo dos intereses particulares e partidistas”. E subliñan que “este foi o único programa eleitoral que presentou o Partido Popular”.
A portavoz municipal Ana Ermida manifestou que “durante a campaña eleitoral pasada, o PP adicouse a xogar coa necesidade das persoas e nin sequera se preocupou de presentar un programa de goberno. O único que fixeron foi prometer postos de traballo a cambio de votos, mercar vontades”.
Desde o Grupo Municipal do BNG insisten en que “este descontrol á hora da contratación de persoal, adicada en exclusiva a pagar os favores do Partido Popular, supón un gasto importantísimo que non redunda no beneficio xeral e, é máis, reduce a posibilidade real de levar a cabo inversións primordiais para o concello barreirense”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
