Nota de prensa
O BNG PREGUNTA AO ALCALDE DE CERVO POLAS MEDIDAS TOMADAS PARA SALVAGARDAR O CASTRO DA ATALAIA
Nin a Xunta nin o concello cumpren a lexislación sobre o patrimonio cultural de Galiza
Os nacionalistas acusan ao goberno local de desvincularse da defensa do patrimonio cultural cervense
Cervo, 16 de xuño de 2011. O BNG de Cervo está disposto a conceder tempo suficiente ao novo goberno municipal para que se asente nas súas funcións, mais non o fará con efectos retroactivos. Neste sentido presentan unha pregunta á alcaldía co fin de que aclare si cumpriu a súa obriga derivada da lexislación sobre protección do patrimonio Cultural situado no termo municipal cervense. Os nacionalistas explican que en escritos recibidos no concello de Cervo, un o 15 de decembro de 2010 da Xefatura Territorial de Cultura e Turismo de Lugo e outro o 3 de xaneiro de 2011 da Dirección Xeral de Patrimonio Cultural, advírtese do grave deterioro do xacemento arqueolóxico do Castro da Atalaia, comunicándolle ao propietario dos terreos a obriga de protexelos, debendo tapalos provisionalmente con materiais axeitados e advertindo ao goberno local das súas obrigas derivadas do Art. 4 da Lei 8/1995 do Patrimonio Cultural de Galiza.
Nin a Xunta nin o goberno local cumpren nin fan cumprir a lexislación sobre protección do patrimonio.
Tal como se indica no Art. 4 da Lei 8/1995 de 30 de outubro de Patrimonio Cultural de Galiza no seu apartado 1 “os concellos teñen a obriga de protexeren, defenderen, realzaren e daren a coñece-lo valor cultural dos bens integrantes do patrimonio cultural de Galicia que radiquen no seu termo municipal”, na mesma liña o apartado 2 deste artigo sinala “correspóndelles, así mesmo adoptar, en caso de urxencia, as medidas cautelares necesarias para salvagarda-los bens do patrimonio cultural de Galicia que visen o seu interese ameazado”. Para os nacionalistas cervenses é evidente que o goberno local, no caso do Castro da Atalaia, eludiu as súas responsabilidades e desvinculouse da defensa do seu propio patrimonio tal como lle esixe a lexislación, e así lle foi solicitado no escrito da Dirección Xeral de Patrimonio Cultural de 3 de xaneiro de 2011.
O BNG deixará a Villares asentarse e conformar o novo goberno pero debe explicar a súa inacción na defensa do patrimonio cultural.
O Responsábel Local Nacionalista, Ramón Luís Bernardo Insua, anunciou que “unha das primeiras iniciativas do BNG será preguntar polas xestións levadas a cabo polo goberno local en relación á protección do Castro da Atalaia e si tomou algunha medida cautelar para a súa protección”. Insua deixou claras as obrigas do goberno local derivadas da lexislación do patrimonio cultural galego, concretadas entre outros no Art.4 da Lei de Patrimonio Cultural de Galiza, e afirmou que “unha de dúas, ou o goberno local non exerce a súa autoridade, ou fixo deixación de funcións para preservar o seu propio patrimonio cultural.”
En concreto o BNG presentará as seguintes preguntas:
1.- Que xestións fixo o goberno municipal de cara a protexer, preservar e defender o xacemento arqueolóxico do noso termo municipal, Castro da Atalaia, producidos pola ausencia de protección tal como relatan os escritos aos que se fai referencia na exposición de motivos?
2.- adoptou o goberno local algunha medida de urxencia ou cautelar para salvagardar o Castro da Atalaia?
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
