Péchase favorablemente o conflito xudicial iniciado polo goberno local de Cervo no ano 1999 sobre o Plan Placer

Nota de prensa

Con esta sentencia péchase o conflito xudicial iniciado polo Goberno local do Partido Popular no ano 1999

A XUSTIZA RATIFICA DEFINITIVAMENTE QUE O CUSTE REAL DO PLAN PLACER ERA UN 57% INFERIOR AO QUE PRETENDÍA ABOAR O PARTIDO SOCIALISTA

• Unha sentenza do Tribunal Superior de Xustiza de Galicia rexeita o recurso de apelación interposto pola empresa adxudicataria contra a sentenza de setembro de 2010 favorable ao Concello e ratifica definitivamente como boa a liquidación final feita polo Goberno local avalada por informes técnicos externos que valoraban a contía real dos traballos realizados dentro do Plan Cervo de Inversións (Plan Placer) nun 43% do que pretendía pagar o Goberno socialista de Roberto Álvarez

• Nesta sentencia obrigase á empresa a devolver ao Concello 156.574,23 euros indebidamente cobrados

Cervo, 25 de xuño de 2011.- O alcalde de Cervo, Alfonso Villares, e as concelleiras Yolanda Pedreira (Educación e Emprego) e Tania González (Facenda, Servizos Sociais e Cultura), deron a coñecer esta mañá o contido da sentencia do Xulgado do Tribunal Superior de Xustiza de Galicia na que desestima o recurso de apelación interposto pola empresa contratada polo anterior goberno municipal socialistas para facer as obras do plan de asfaltados de Cervo (Plan PLACER) contra a sentencia de setembro de 2010 do Xulgado do Contencioso-Administrativo de Lugo e obrígalle a devolver ás arcas municipais 156.574,23 euros.

Segundo indicou o rexedor, esta resolución xudicial é definitiva e non cabe recurso algún, “e polo tanto, ven a pechar definitivamente un contencioso no que o Partido Popular leva loitando dende hai máis dunha década, cando chagamos á responsabilidade deste Goberno municipal”.

Villares fixo unha exposición pormenorizada dos distintos contenciosos que leva mantendo o Concello coa empresa adxudicataria destas obras dende o ano 1999. Salientou que nesta derradeira sentencia o TSXG ven a confirmar unha vez como probado “e acreditado pericialmente” que a valoración económica dos traballos realizada polo Concello e por empresas externas era correcta, “e segundo eses cálculos o montante real dos traballos foi un 43% do que pretendían aboar os socialistas cando subscribiron este acordo durante a súa etapa á fronte deste Concello”.

Segundo o mandatario local, son moitas as explicacións que debe dar os socialista a tódolos veciños de Cervo. “Deben explicar cales son os intereses que os moveron e moven para levar adiante este tipo de decisións irregulares, escuras e prexudiciais para os veciños de Cervo” enfatizou.

Villares lembrou tamén que tódolos integrantes dos gobernos do Partido Popular no Concello de Cervo nestes 12 últimos anos  defenderon os intereses de tódolos veciños “e o exemplo está no que hoxe a xustiza acaba de ditaminar: que o Partido Socialista pretendía que a cidadanía deste concello pagara 2.626.422 por unhas obras que non valen nin a metade diso; algo que leva defendendo o Partido Popular nestes últimos anos” recalcou.

P.D: Axuntamos sinopse do contencioso Plan Placer

SINOPSE PLAN PLACER

• Goberno local do PSOE aproba no ano 1999 o Plan de asfaltados (Plan Placer) por un valor de 2.626.422,90 €

• En xuño do mesmo ano (1999) o Goberno municipal socialista fai o pago de 1.574.651,7 euros a esta empresa durante o seu mandato en funcións e coas eleccións municipais perdidas (1.295.181,08 euros en efectivo e 279.470,62 € en letras de cambio a favor desta empresa)

• Nada máis chegar ao Goberno local, o grupo municipal do Partido Popular decide bloquear os pagos comprometidos polos socialistas e pendentes de abonar a esta empresa por valor de 1.051.771,2 €. Paralelamente inicia accións legais contra esta empresa diante das sospeitas de presuntas irregularidades no contido do contrato subscrito polo Goberno municipal do PSOE

• Dende aquela (hai 12 anos) o Concello leva inmerso en xuízos co obxecto de recuperar para o erario público do municipio as cantidades indebidamente pagadas polo goberno municipal do PSOE a esta empresa e tamén para evitar pagar o comprometido polos socialistas.

• Grazas a esta xestión, no ano 2005 a Xustiza obriga á empresa a devolver os 279.470 euros das letras de cambio comprometidas polos socialistas no seu período de Goberno municipal en funcións.

• En setembro de 2010 os xulgados volven a dar a razón ao grupo de Goberno do PP e obriga á empresa a devolver ás arcas municipais 156.574,23 euros máis en base á liquidación final do contrato que unía á empresa Coto co Concello e que foi feita en base a informes periciais de dúas empresas independentes.

• Agora, xuño de 2011, o Tribunal Superior de Xustiza de Galicia desestima o recurso de apelación interposto pola empresa contra a sentencia de setembro de 2010 e ratifica de xeito inapelable a decisión do Tribunal do Contencioso-Administrativo de Lugo opola que obriga a Construcciones Coto a reintegrarlle ao Concello 156,574,23 euros ao quedar definitivamente probado que a valoración dos traballos feita polo Concello e polas consultoras independentes era correcta.

• • ESTA SENTENCIA É DEFINITIVA E CON ELA QUEDA PECHADO DEFINITIVAMENTE O CONTENCIOSO INICIADO HAI MÁIS DUNHA DÉCADA POLO GOBERNO LOCAL DO PARTIDO POPULAR

• En total -nestes 12 anos- o Goberno municipal do Partido Popular logrou recuperar para os veciños do municipio as seguintes cantidades económicas:

• • Concepto	Cantidade (€uros)
    Letras de Cambio:	279.470,02 €
    Liquidación:	156.574,23 €
    Bloqueo de pagos comprometidos	1.051.771,20 €
    TOTAL aforrado:	1.487.815,45 €

• Isto arroxa que, dos 2.626.422,90 € que pretendían pagar os socialistas, o custe real do Plan de Asfaltados de Cervo (Plan Placer) subscrito polo grupo socialista estando en funcións de Goberno foi tan só de 1.138.607,45 € (un 43% do inicialmente presupostado e valorado):