Nota de prensa
A Deputación completa a mellora dos accesos ás praias de Ribadeo nos que xa investiu 600.000 euros
– A institución vén de intensificar as medidas de seguridade na CP 0610, principal acceso para os miles de visitantes que recibe na época estival As Catedrais
– Estas actuacións engádense os traballos de mellora nos accesos as praias das Catedrais, Esteiro e Illas para os que o organismo provincial achegou un total de 580.000 euros
A Deputación vén de finalizar novas actuacións na CP 0610, a estrada provincial que transcorre dende Altar por Reinante e ata os Castros, complementado as melloras nos accesos ás praias de Ribadeo nos que xa investiu 600.000 euros.
A institución intensificou as medidas de seguridade dos miles de viandantes que, sobre todo na época estival, acceden ás Catedrais por dita estrada provincial. Deste xeito, vén de habilitar novos pasos peonís e de incrementar a sinalización vertical que fai referencia a limitación de velocidade. Para elo, achegou 3.000 euros de fondos propios.
Este investimento é unha pequena parte do que a Deputación adicou en total á mellora dos accesos ás praias ribadenses. Só co Plan Extraordinario de Obra Pública, a institución achegou 500.000 euros para a construción dunha rotonda no punto quilométrico 11,065 de mencionado vial provincial, habilitando un nexo de unión dende a N-634 e a A-8 ós areais de Ribadeo.
Esta achega supuxo ademais, a mellora do firme con aglomerado quente en 2,4 quilómetros, concretamente dende o punto quilométrico 9,920 ó 12,320 da CP 0610, así como o ensanche deste treito que discorre polas praias de Esteiro e As Catedrais, pasando de 4 a máis de 6 metros.
A maiores, o organismo provincial actuou no treito que dá acceso o areal das Illas. Para elo, investiu 80.000 euros nas obras de asfaltado con aglomerado quente no treito desta estrada provincial que transcorre dende As Catedrais ás Illas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.