Nota de prensa
O OBRADOIRO DE EMPREGO DE OUROL FORMOU E PROPORCIONOU TRABALLO A 24 PERSOAS CUN INVESTIMENTO DE PRETO DE 520.000 EUROS
* O director xeral de Promoción do Emprego, Andrés Hermida, clausurou hoxe o obradoiro da localidade lucense
* Hermida subliñou que estas persoas non só saíron da situación de desemprego, senón que conseguiron mellorar a súa cualificación e empregabilidade de acordo ás necesidades do mercado laboral actual
* Os alumnos que participaron nesta iniciativa da Consellería de Traballo e Benestar acadaron experiencia laboral en albanelería e instalacións e mantemento de xardíns
* A actuación permitiu a adecuación do parque infantil e biosaudable e do paseo peonil da Rega
Ourol (Lugo), 14 de agosto de 2011.- O obradoiro de emprego “Ourol Natural” do Concello de Ourol (Lugo) formou e proporcionou traballo a 24 persoas desempregadas maiores de 25 anos ao longo dun ano. Esta iniciativa, da Consellería de Traballo e Benestar, contou cun investimento de preto de 520.000 euros. En concreto, 14 participantes especializáronse en albanelería e os 10 restantes en instalacións e mantemento de xardíns.
O director xeral de Promoción do Emprego, Andrés Hermida, clausurou hoxe este obradoiro e participou na inauguración das actuacións que se desenvolveron grazas a este plan: adecuación do parque infantil e biosaudable e do paseo peonil da Rega.
Así, Hermida destacou que estas persoas non só saíron da situación de desemprego, senón que conseguiron mellorar a súa cualificación e empregabilidade de acordo ás necesidades do mercado laboral actual, ao tempo que indicou que “os resultados do seu labor reverteron, tamén, na mellora de diversas zonas e equipamentos do concello de Ourol”.
Hermida, que agradeceu ao Concello a súa achega para facer posible o obradoiro, apuntou que os programas mixtos de formación e emprego constitúen “unha excelente oportunidade de colaboración institucional para acadar unha dobre vantaxe”: a de mellorar a empregabilidade dos traballadores e traballadoras, atendendo ás potencialidades e oportunidades de cada territorio; e a de realizar obras e servizos de interese xeral, que reverten en melloras palpables para todos os veciños dun municipio.
O director xeral de Promoción do Emprego resaltou, así mesmo, a importancia de non esquecer que “a consecución de máis e mellores postos de traballo para Galicia é un labor no que debemos implicarnos todos”. Por elo, animou aos alumnos que tomaron parte do obradoiro de emprego de Ourol a sacar “o máximo partido” das ensinanzas acadadas e a continuar renovando os seus coñecementos “a través dunha aprendizaxe permanente co obxectivo de actualizarse e revalorizarse día a día no mercado laboral”.
Características dos obradoiros de emprego
Os obradoiros están dirixidos a persoas desempregadas de 25 anos ou máis, que estean inscritas no Servizo Público de Emprego de Galicia. Na selección de persoal valorouse, de xeito preferente, ás persoas desempregadas que tiveran esgotadas as súas prestacións.
A formación que reciben é de carácter fundamentalmente práctico, mediante a realización de obras ou da prestación de servizos de interese xeral ou social, que posteriormente facilitarán a integración no mercado laboral dos participantes. De feito, unha porcentaxe elevada atopa traballo nun curto prazo de tempo, na mesma especialidade na que se formaron.
Con todo, hai que salientar que, ademais da propia formación profesional, durante toda a duración do proxecto proporcionarase aos alumnos traballadores outros contidos formativos, como pode ser a orientación e asesoramento profesional, empresarial e laboral.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
