Nota de prensa:
A Deputación porá en marcha os órganos de xestión das Reservas da Biosfera antes de que remate o ano
– Así o anunciou a Deputada de Medio Ambiente durante a inauguración do Curso de Saúde Ambiental co que colabora a institución provincial e acolle Sarria dende hoxe e ata o xoves
– Izquierdo salienta que os órganos de xestión de Terras do Miño e Os Ancares “garantirán o desenvolvemento sostible da zona e a permanencia da súa condición de Reserva da Biosfera ante a revisión que levará a cabo a UNESCO en 2012”
– A Deputación convertese na 1º administración galega que crea órganos de xestión para os espazos estes espazos naturais dos que non dispoñen ata o momento ningunha das restantes Reservas da Biosfera que existen en Galicia
A Deputada de Medio Ambiente e Enerxías Renovables, Sonsoles López Izquierdo, anunciou este luns que a institución porá en funcionamento os órganos de xestión de Terras do Miño e Os Ancares antes de que remate o ano. López Izquierdo, que fixo este anuncio durante a inauguración do XLVIII Curso de Saúde Ambiental co que colabora o organismo provincial, salientou que “isto garantirá o desenvolvemento sostible da zona e a permanencia da súa condición de Reserva da Biosfera ante a revisión que levará a cabo a UNESCO en 2012”.
A creación dos órganos de xestión é o paso posterior á creación do Regulamento de ditas Reservas da Biosfera, xestionadas directamente pola Deputación. A Deputada explicou que “este Regulamento é un documento imprescindible, que xa debía estar feito con anterioridade pola anterior Corporación, xa que a Reserva de Terras do Miño obtivo a distinción en 2002 e a de Ancares en 2006. Trátase dun requisito que estipula a UNESCO cando declara un espazo natural como Reserva da Biosfera e que aparece recollido na lei 42/2007 do Patrimonio Natural e da Biodiversidade. De non existir, a UNESCO podería anular a declaración”.
López Izquierdo subliñou que foi o actual equipo de goberno o que decidiu poñer en marcha o Regulamento, incluíndoo dentro do programa medioambiental Lug02. Isto permite crear os órganos de xestión destes espazos naturais que serán os responsables do desenvolvemento de estratexias e de futuras liñas de actuación para seguilos impulsando. Con esta iniciativa, a Deputación convertese na 1º administración galega que crea e estes órganos do que non dispoñen ata o momento ningunha das restantes Reserva da Biosfera que existen en Galicia.
Composición dos Órganos
O Regulamento aprobado no Pleno de xaneiro, define a estrutura dos órganos de xestión para cada Reserva da Biosfera, establecendo que estarán compostos por:
1.- Un órgano Reitor do que formarán parte o Presidente da Deputación; o Vicepresidente que, neste caso, será a Deputada de Medio Ambiente; o Secretario da institución provincial; e varios vogais. Estes deberán ser: un representante de cada un dos grupos políticos constituídos no seo da Corporación; un representante da Administración do Estado (a Ministra de Medio Ambiente ou quen delegue); un representante da Xunta de Galicia (o Conselleiro de Medio Rural ou quen delegue); e dous técnicos de recoñecido prestixio do ámbito universitario e científico.
2.- Un órgano de Participación, que estará formado tanto por representantes das administracións públicas, como de asociacións, organizacións e institucións. A función deste órgano é de servir de apoio, asesoramento e consulta ó Órgano Reitor. A súa composición é a seguinte: o Presidente da Deputación; varios vocais, habendo un representante de cada un dos grupos políticos da Deputación; e un representante de cada un dos 26 Concellos da Reserva de Terras do Miño e dos 3 da de Ancares. Ademais, participarán os representantes sociais de sectores interesados no desenvolvemento da Reserva como: representacións das organizacións agrarias, das comunidades de montes veciñais de man común, das organizacións ecoloxista, de turismo rural e representantes das asociacións de defensa do Patrimonio.
3.- Un Director Xerente, que será designado polo Órgano Reitor que se reunirá semestralmente como mínimo, é dicir, dúas veces ó ano e o de participación cantas veces sexa necesario.
Curso de Saúde Ambiental
O Curso de Saúde Ambiental enmárcase no Programa Galego Municipios Saudables e Sostibles. Ten o respaldo da Sociedade Española de Sanidade Ambiental e da Asociación Española de Ciencias Administrativas e está en proceso de tramitación para lograr que a USC conceda de 1 crédito de libre configuración. Conta con 23 poñentes de recoñecido prestixio, procendentes da USC, UV E UPM, así como altos cargos, técnicos das administracións, xestores de entidades e empresas relevantes en Galicia. Precisamente, foron traballadores da Deputación quenes arrincaron hoxe as xornadas formativas, dando a coñecer as medidas desenvoltas pola institución para xerar riqueza mediante o medioambiente. Nesta participan, ducias de estudantes universitarios e dos ciclos educativos de formación profesional de carácter ambiental, funcionarios e responsables políticos dos Concellos colaboradores (O Incio, Láncara, Paradela, O Páramo, Portomarín, Samos, Triacastela, Lugo e Monforte de Lemos), representantes de asociacións sen ánimo de lucro e parados.
Está composto por 4 mesas redondas: A xestión sostible dos recursos naturais como factor do desenvolvemento socioeconómico e de benestar social na provincia de Lugo ; a xestión das augas na provincia de Lugo; a xestión dos residuos, o seu reciclaxe, reemprego e valorización; o eixo Lugo- Sarria- Monforte no camiño cara a sostibilidade. Ademais, inclúe visitas prácticas a Cementos Cosmos, Fontecelta, roteiro por Foz das Aceas, ETAP e EDAR municipais de Sarria, planta de transferencia de residuos urbanos e punto limpo, tamén no municipio sarriano.
Pioneira iniciativa en España
Sarria convértese no escenario deste curso, sendo a 11º ocasión na que a provincia lucense acolle esta pioneira iniciativa en España que xa é un referente ambiental en Galicia logo da súa celebración en 47 capitais de comarca e cidades galegas. A xornada do Programa Galego Municipios Saudables e Sostibles celebrouse cronoloxicamente en: municipios e comarcas de Padrón, Ponteareas, O Carballiño, Carballo, Vilagarcía de Arousa Monforte de Lemos, A Estrada, Caldas de Reis, Noia , Pontevedra, Narón, Viveiro, Ribeira, Ourense, Lugo (entidade local), Pontedeume, O Barco, Vigo, Vilalba, Silleda, Verín, Betanzos, Ribadeo, Ribadavia, Cangas, Arteixo, Chantada, Allariz, Cambados, Lalín, Celanova, Burela, Santiago de Compostela, Ordes, Xinzo de Limia, Lugo (ámbito provincial), A Coruña, Guitiriz, Castro Caldelas, Ferrol, Ponteareas, Foz, Ourense, Ortigueira, Baiona, Cospeito e Ourense (ámbito provincial), para agora chegar a Sarria.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
