Nota de prensa
Martínez aclara que a sanción ó Concello de Cervo débese “á incompetencia e á falta de respeto institucional do Alcalde”
– O Deputado subliñou que o Concello situou varios puntos de luz nun vial provincial “de xeito irresponsable, poñendo en perigo ós veciños” e malia contar cun permiso no que figuraba a obrigación dun espazo entre os mesmos e a estrada para garantir a seguridade
– Logo de alertar desta situación ó Alcalde e manifestarlle a súa obriga de trasladar os postes a outra zona en varias ocasións, a Deputación abriu un expediente sancionador, así como dous períodos de alegacións para que o Concello rectificase
– Martínez salienta que “démoslle todas as facilidades. Quen é o que busca enfrontamento entre institucións? O Alcalde agóchase, elude responsabilidades e minte. A empresa adxudicataria, tal e como nos comunicou, situou os postes onde el lle dixo”
O Deputado de Xestión Territorial, Manuel Martínez, aclarou este luns que o expedente sancionador interposto pola institución ó Concello de Cervo resposta “á incompetencia e á falla de respeto institucional do Alcalde”. Manuel Martínez explicou que o Rexedor se puxo en contacto coa institución, solicitando o permiso necesario para situar nunha estrada de titularidade provincial varios puntos de luz co fin de levar a cabo as obras de saneamento da Senra. A Deputación concedeu esta licenza de xeito inmediato, ós poucos días de ser formulada, tal e como quedou patente na documentación que dipoñen ambas as dúas administracións. Non obstante, neste permiso figuraba a obriga de que cada poste debía estar afincado a unha determinada distancia da estrada, garantindo así a seguridade dos viandantes ó contar co espazo necesario no caso de producirse unha saída de carril. O Deputado salientou que “o Alcalde fixo caso omiso a este punto, situando os puntos de luz de xeito irresponsable e poñendo en perigo ós veciños”.
Facilidades e responsabilidades
Ante esta situación, os técnicos provinciais trasladáronse ata en 3 ocasións ó municipio, alertando deste perigo ó Concello e manifestando a súa obriga de trasladalos a outro lugar. Ademais, tamén se puxeron en contacto coa contratista. Logo de varios meses sen resposta (o primeiro aviso foi en novembro), a Deputación abriu en xaneiro un expedente sancionador, dando conta delo ó Rexedor. Posteriormente, abriu ata en 2 ocasións un período de alegacións, co fin de que a entidade local rectificase e se anulase este proceso. “Démoslle todas as facilidades para poñer fin a esta situación. Quen é o que busca enfrontamento entre institucións ou sufre persecución política?”, sentenciou.
O Deputado subliñou ademais, que “o Alcalde agóchase agora e elude as súas responsabilidades, feito que non nos sorprende vindo de onde vén, dun partido como o PP que sempre bota balóns fóra, non asume as súas competencias e culpa ós demais de todo o que acontece ó seu redor. Minte. Non é certo que a sanción se deba a un suceso alleo a el. Primeiro porque foi o Concello quen pediu este permiso e quen sabía da condición indispensable. Ademais, a empresa adxudicataria das obras de saneamento da Senra, tal e como nos comunicou, situou os postes onde o Alcalde lle dixo como máximo responsable destas actuacións”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
