Nota de prensa
A EMMeD DE RIBADEO INICIA O CURSO 2011/2012. O CENTRO CONTARA CON ARREDOR DE 300 ALUMNOS E ALUMNAS MATRICULADOS.
Ribadeo, 26 de setembro de 2011. A Escola Municipal de Música e Danza (EMMeD) de Ribadeo realizará este martes, 27 de setembro, ás 20.30 horas no claustro da Casa do Mar, o acto de presentación oficial do novo curso académico 2011-2012. Nel estarán presentes a concelleira de Cultura, Mariluz Alvarez Lastra, o director da EMMeD de Ribadeo, Hugo García Presno e máis as profesoras e profesores que compoñen o cadro docente da Escola para este curso. O inicio regular das clases será o vindeiro luns 3 de outubro.
A EMMeD de Ribadeo impartirá este ano un total de 15 especialidades (linguaxe
musical, música e movemento, ballet/danza, canto, frauta traveseira, óboe/fagot,
clarinete, saxofón, vento-metal, percusión, acordeón, violín/viola, guitarra, piano e
gaita) aos arredor de 300 alumnos e alumnas que fixeron efectiva a súa matrícula para este curso. O director do centro, Hugo García Presno, amosa a súa satisfación pola “estabilidade que ano tras ano presenta o número total de persoas matriculadas no centro, o que denota confianza no traballo que se fai na EMMeD de Ribadeo e reforza a ilusión coa que afrontamos este novo curso”. García Presno destaca “o aumento de persoas adultas matriculadas así como o crecente interese na materia de gaita que en tres anos duplicou o número de alumnas e alumnos facendo bo un dos lemas que comparte a Escola: música para todas/os, todas as músicas”.
Segundo sinala o director da EMMeD de Ribadeo o programa académico que se vai desenvolver no centro vai ser semellante ao de anos anteriores “complementando o traballo na aula cos festivais de Nadal, Santa Cilla, as Letras Galegas ou fin de curso, a charanga no entroido, as actividades solidarias ou as audicións co fin de achegar o que facemos ao público”. Entre os obxectivos da Escola ribadense atópase o seguir traballando en dous eixes que se veñen potenciando nos últimos anos: a consolidación das formacións estables do centro (orquestra de cámara ou banda infantil, entre outros) e a implicación do alumnado e máis da comunidade educativa (familia, docentes, administración…) en materias transversais presentes tamén no ensino que se ofrece na EMMeD de Ribadeo como son a solidariedade ou a educación para a igualdade real e efectiva entre mulleres e homes.
Antes do comezo das clases, o luns 3 de outubro, a EMMeD de Ribadeo realizará
durante os días 28, 29 e 30 de setembro a fixación de horarios para as materias
individuais e máis para as colectivas.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
