Nota de prensa
GONZÁLEZ BARCIA CONSIDERA QUE HAI MOI BOA INTENCIÓN DE FOMENTO PARA QUE O PXOM DE BURELA SAIA ADIANTE. EN VINDEIRAS XUNTANZAS TÉCNICAS ANALIZARASE A POSIBILIDADE DE LEVANTAR PARCIAL OU TOTALMENTE A AFECTACIÓN DA VARIANTE EN VARIAS ZONAS.
Burela, 27 de setembro de 2011. O alcalde, José María González Barcia, realizou unha valoración positiva do encontro mantido esta mañá na Coruña coa Demarcación de Estradas do Estado en Galicia para analizar a implicación da rede viaria estatal na elaboración do PXOM de Burela.
González Barcia indicou que “imos tentar clarificar en próximas xuntanzas en Lugo a liña de edificabilidade no que respecta á variante de Burela” e contou que “hai un avance importante xa que é probable que en moitas zonas se poida levantar total ou parcialmente esa afectación existente agora dos 100 metros. E a partires de aquí entran en xogos as reunións técnicas para ver onde se pode realizar ese levantamento”.
No encontro desta mañá “tamén quedou máis clara a proxección desa hipotética autovía Barreiros-San Ciprián sobre o noso planeamento. Hai que lembrar que o trazado proposto por Fomento no seu día non coincidía coas perspectivas que tiña o Concello e éste presentou alegacións. A conclusión da xuntanza de hoxe apunta a que non é malo que nós fagamos unha reserva de superficie para unha futura infraestructura, que podería ser tanto a proposta por Fomento como a que nós plantexamos no seu momento como acceso ao parque empresarial da zona de A Puída”, seguiu a relatar o rexedor bureles. O equipo de goberno entende que “hai posibilidade de atopar solucións que acomoden os intereses de Fomento cos do Concello de Burela”.
José María González Barcia considera que “na xuntanza de hoxe houbo unha exposición clara dos intereses que nos moven para poder sacar adiante o PXOM coa mínima afectación posible da variante actual e tendo en conta tamén esa reserva de suelo que se prevé para unha futura nova infraestructura. Todo apunta a que Fomento poñerá enriba da mesa toda a colaboración posible para que o PXOM de Burela saia adiante”. E anunciou que “para a vindeira semana os nosos técnicos e os da empresa que está a elaborar o plan xeral se porán en contacto cos de Estradas en Lugo para continuar avanzando no que hoxe se falou”. O alcalde subliñou que “hai moi boa intención de Fomento para que o plan xeral de Burela saia adiante”.
Barcia recalcou que “a reunión foi positiva, xa que nos da pé a continuar traballando cunha certa seguridade no PXOM. Así se pecha un proceso de conversas tanto coa administración autonómica como coa administración do Estado, que nos permiten traballar cunha certa garantía de continuidade, traballar baseándonos nas conversas mantidas coas dúas administracións, cousa que ata o de agora prácticamente non se fixera, e nos permite tamén ver con máis optimismo o futuro do PXOM. De momento queda un traballo importante por facer, polo que aínda é cedo para adiantar prazos. Eso igual podemos facelo en mes ou mes e medio, pero de momento non”.
Ao encontro celebrado esta mañá na Coruña asistiron o concelleiro de Urbanismo, Manuel Fernández Valle, o técnico municipal e tamén os técnicos redactores do PXOM.
Comisión seguimento
A vindeira semana reuniráse a comisión informativa de seguimento do PXOM no Concello de Burela, segundo adiantaba o alcalde, “xa onte se lles adiantou esta nova aos representantes dos grupos políticos nas comisións informativas, previas ao pleno do vindeiro xoves”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
