Nota de prensa
O BNG ACUSA AO ALCALDE DA PONTENOVA DE ACTITUDE ANTIDEMOCRÁTICA AO NEGARLLE O ACCESO AO REXISTRO XERAL DO CONCELLO
Mónica Rancaño lamenta que o alcalde se escude na Lei de Protección de Datos que nese caso estarían incumprindo a maioría dos concellos do país
Os nacionalistas denuncian que se lles oculta información esencial para o seu traballo político
A Pontenova, 2 de setembro de 2011. O BNG da Pontenova por medio da portavoz municipal, Mónica Rancaño Freire, denunciou a “actitude antidemocrática do alcalde que nega o acceso ao rexistro xeral do concello ocultando deste xeito información esencial para o noso traballo político” . Segundo a nacionalista “é unha vergoña que A Pontenova sexa noticia por cousas como esta, que xa deberían estar superadas”, mais, “non nos quedou outra opción que facelo público despois de reclamar esta información reiteradamente tanto por escrito como de forma oral”.
A Pontenova é o único concello da Mariña onde o goberno local nega o acceso regular ao rexistro xeral municipal.
O BNG da Pontenova por medio da súa concelleira e portavoz municipal, Mónica Rancaño Freire, denunciou que levan intentando que se lles permita o acceso regular ao rexistro xeral municipal dende o pasado 15 de xuño, “presentando peticións por escrito e orais que sempre teñen a mesma resposta negativa”, segundo Mónica Rancaño, “o alcalde escúdase detrás do secretario municipal que emite informes negativos amparándose na Lei de Protección de Datos” e se isto é así, “ou o alcalde se equivoca ou o fan a maioría dos concellos da comarca e do país que si permiten a consulta desta documentación, incluso a obtención de copias”.
Mais de dous meses sen acceso a unha información esencial para o noso traballo político
A portavoz municipal nacionalista concretou que a primeira solicitude por escrito fíxose o 15 de xuño e reiterouse nomes de xullo obtendo a mesma resposta negativa, ademais trasladouse de xeito oral co mesmo resultado. Rancaño acusou ao alcalde pontenovés de “tratar de ocultar información que é esencial para o noso traballo político xa que este rexistro contén información de asuntos en tramitación ou peticións dos propios veciños que temos dereito a coñecer”. Segundo Rancaño, “a nosa obriga como integrantes da corporación municipal é fiscalizar e controlar ao goberno e o alcalde estanos impedindo o dereito democrático de facelo así como ao conxunto dos veciños e veciñas que nos votaron”.
Os nacionalistas non descartan acudir a instancias superiores de persistir o alcalde na súa actitude.
A nacionalista advertiu que si o alcalde persiste na súa actitude antidemocrática non descartan acudir a instancias superiores para corrixir esta situación, Rancaño afirmou que “o alcalde sabe perfectamente o que nos están negando e faino consciente de que isto dificulta o noso traballo”, para a nacionalista “a actitude do alcalde retórnanos a tempos pasados xa superados por fortuna e non imos permitir que nos recorten os nosos dereitos democráticos.”
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
