Os baños de setembro
“
PERIGO, NON HAI BANDEIRA!”. Así terán que actuar os bañistas que queiran ir á praia este mes de setembro, xa que en Xove o goberno local limitou os contratos dos socorristas a dous meses en troques dos tres meses que eran contratados ata o de agora. Unha medida unilateral que impedirá ver bandeiras verdes, amarelas ou vermellas nos areais de todo o noso concello.
Esta nova situación nas praias xovenses faime recordar aqueles antigos baños marítimos que as mulleres labregas adoitaban tomar no mes de setembro, unha vez finalizados os labores do agro. As carrachentas, canónigas, poubanas ou mantidas (así alcumadas dependendo do lugar da Mariña onde as nomearan) adoitaban mergullarse na auga salgada entre sete e quince veces, nun ritual que hoxe cualificaríamos de “tratamento preventivo por prescrición médica” e que naquela época recomendaban médicos e curandeiros. Contan os máis vellos que algunhas labregas da Rigueira acudían á praia de Bidueiros, onde aliviaban as doenzas dos ollos e a reuma, ademais de camiñar pola area para mellorar a falta de circulación. Eran mulleres dun tempo no que non existía a posibilidade de apuntarse a espléndidos balnearios con circuitos de augas termais subvencionados pola Administración.
O feito de que en Xove non vaiamos ter servizo de socorristas nas nosas praias durante este mes de setembro trátase dunha decisión política errada. E máis aínda cando desde o goberno local non lles treme a voz ao achacar esta decisión á crise económica. Unha escusa, a da crise, que se está tornando en desculpa-comodín e que non tiveron en conta cando aló polo mes de xuño os políticos que conforman o executivo municipal acordaron, tamén de xeito unilateral, subir os seus propios salarios un 26% de media.
Non é certo que todos sexamos iguais. Hai outra caste de políticos que entendemos prioritaria a seguranza dos nosos veciños e pensamos que as tarefas que realizan os socorristas son tan importantes como outros servizos básicos que ofrecemos desde o noso concello. Sentímolo moito, pero este ano en Xove acabouse o verán antes do 23 de setembro. Por iso quérolle lembrar a todas as familias carrachentas, herdeiras do saudable costume de ir á praia en setembro, que desde hoxe queda prohibido mancarse, sufrir unha insolación, recibir a picadura dun escarapote ou ter un corte de dixestión nas praias de Esteiro, Portocelo e Lago.
Marco López
Portavoz do Grupo Municipal do BNG en Xove
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
