Nota de prensa
Alumnos da Escola de Imaxe e Son farán 50 vídeos promocionais para aumentar as vendas das Empresarias de Lugo
– Esta actuación é froito dun convenio que asinaron Gómez Besteiro e Beatriz Varela e que se engade á subvención de 46.000 euros para o portal web das empresarias, ó asesoramento tecnolóxico que lles finanza a Deputación, á dotación de equipamento informático e ó co-financiamento do arranxo do seu local social
– A TIC impulsa o labor doutras 50 asociacións e empresas tecnolóxicas mediante traballos audiovisuais nos que sempre colaboran os estudantes do único centro en Lugo que imparte ensinanzas da rama audiovisual, facilitando a súa inserción laboral
– Os 23 comerciantes lucenses que participaron na 2º Feira Outlet impulsada por Deputación e Concello de Lugo, en apoio á Asociación de Autónomas, Empresarias e Profesionais, acadaron un volume de negocio próximo ós 100.000 euros en só 3 días
O Presidente da Fundación TIC e da Deputación, José Ramón Gómez Besteiro, e a Presidenta da Asociación de Empresarias de Lugo (AELU), Beatriz Varela, asinaron este luns no Cei Nodus un convenio de colaboración en impulso do tecido sector empresarial da provincia. O texto mantén que alumnos e bolseiros da Escola de Imaxe e Son (EIS), baixo a supervisión de técnicos da TIC, elaborarán 50 vídeos promocionais das empresas de dito colectivo que xa se sumaron, ou están en trámites de adhesión, á plataforma de comercio electrónico da Deputación: losprodutosdelugo.com. Gómez Besteiro salientou que “o mundo da comercialización é difícil para os colectivos. Por iso, é necesario aproveitar todas as oportunidades. Isto é un suma e sigue. Non temos medo a equivocarnos, dende a TIC estamos ó servizo de entidades como a vosa”.
O titular provincial fixo fincapé ademais, no dobre obxectivo deste acordo xa que, ó tempo que se potencia a actividade dun sector estratéxico para a economía da provincia mediante as novas tecnoloxías, increméntase a formación dos estudantes do único centro en Lugo que imparte ensinazas da rama audiovisual, facilitando a súa inserción laboral.
A Fundación TIC está a colaborar con outras 50 asociacións e empresas tecnolóxicas a través da elaboración de produtos audiovisuais para dalas a coñecer á sociedade lucense e difundir as súas actividades. Entre as organizacións coas que colabora a TIC figuran ONG´s, asociacións culturais, deportivas e empresas que fomentan o emprego das novas tecnoloxías no tecido industrial da provincia. En todos os casos, participan alumnos e bolseiros da EIS co obxectivo de completar a súa formación de cara á súa futura inserción laboral, que é unha das prioridades da Fundación.
Axudas ás Empresarias
O medio cento de traballos audiovisuais que realizará a TIC poñerá en valor os produtos e servizos que as empresarias presentan no seu portal: e-Deidades: Empresarias de Lugo na Rede. Trátase da web que dita asociación logrou poñer en marcha a finais do mes de setembro logo de que a Deputación lles concedese unha subvención de 46.000 euros. Son os mesmos produtos que, a custe cero, 29 empresas da Asociación de Mulleres Empresarias de Lugo xa teñen á venda en Internet mediante un enlace dende a súa páxina web ó centro comercial on line do organismo provincial.
Polo de agora, na 1º plataforma de comercio electrónico da provincia atópanse as seguintes empresarias: Academia Attelier; Al-Pazo Peluquería; Asín Lucense S.L; Autoescuela Avenida; Camaleón Tattoo; Caracacho S.L; Fermar-Autoesc. Alberto S.L; Frigoríficos de Lea S.L; Granxa Maruxa; Inpe Sons; Ángeles Lombao Vigo; Jomer Decoración; Laura Uñas Esculpidas; Limpiezas Peña S.L; Queixos Pacita; Tintorería Paque; Tu Descanso; Viajes Almar S.L; Pilar García Porto; Lotería Lastra; A Porta; Ampelos Correduría; Movalsa Asesores; Siente Galicia; Galisorei Delicatessen; Optometristas Lucenses e Chicadecanela.
Profesionais do In Lugo, o 1º centro de innovación social en Galicia que arrincou a Deputación, están a ofrecer asesoramento in situ, é dicir nos propios establecementos das empresarias, para que, de xeito progresivo e gratuitamente, se adhiran a losprodutosdelugo.com todas as entidades interesadas deste colectivo.
Deste xeito, xunto ó convenio que se asinou hoxe, á subvención para a páxina web, ó enlace á 1º plataforma de comercio electrónico da provincia, ó asesoramento tecnolóxico dos profesionais do In Lugo, a Deputación tamén concedeu ás empresarias material informático mediante o Innova-TE, o programa tecnolóxico co-financiado nun 70% pola Unión Europea, así como unha axuda de preto de 3.000 euros para o acondicionamento do local social desta asociación.
Máis de 20 anos de AELU
A Asociación de Empresarias de Lugo naceu en 1998 como unha organización sen ánimo de lucro que aposta polo futuro das mulleres emprendedoras da provincia e a creación dunha nova visión da empresaria dentro da sociedade lucense. Na actualidade conta con 120 socias de toda a provincia, pertencentes a diversos sectores que van dende a agricultura e a construción, pasando polo ensino, o lecer, a decoración ou o asesoramento. AELU presta as súas asociadas labores de asesoramento, xestión de documentación para solicitar axudas e subvencións, formación, ofertas ou demanda de emprego, entre outros servizos.
Balance 2º Feira Outlet
Éxito da 2º Feira Outlet de comerciantes exclusivamente da capital cun volume de negocio próximo ós 100.000 euros en só 3 días. Miles de persoas visitaron a mostra que organizou esta fin de semana a Asociación de Autónomas, Empresarias e Profesionais de Lugo grazas á colaboración de Deputación e o Concello de Lugo. Os 23 profesionais lucenses participantes puxeron á venda na cidade e antes ca ningún outro profesional de fóra da provincia os seus stocks con descontos de entre 50% e o 70%, logrando importantes beneficios que, no caso de algún comerciante, foron de 6.000 euros.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
