Nota de prensa
VALORACIÓN DA XUNTANZA DA COMISIÓN DE SEGUIMENTO DO PXOM
O venres pasado fomos convocados polo Alcalde para informarnos das súas xestións diante da Xunta e do Ministerio de Fomento polo que respecta ao Plan Xeral de Urbanismo de Burela e, dende o BNG, facemos a seguinte valoración do que alí se nos contou: vaguidades e ningunha xestión nova polo que respecta ao ámbito competencial da Xunta (“non hai nada definitivo, non hai nada pechado”, dixo o Alcalde) e conformismo e covardía política polo que respecta ao Ministerio.
Polo que se refire ás competencias da Xunta de Galiza no que ten que ver co urbanismo de Burela, nada novo nos contou o Alcalde porque, despois da grande afectación que o Plan de Ordenación do Litoral supón para o noso pobo (e que o Partido Popular de Burela aceptou sempre sen rechistarlle á Xunta), agora nos vén vendendo unha serie de melloras na zona de Foxo e do Perdouro que xa foran negociadas polo anterior goberno municipal antes da aprobación definitiva do citado POL. Agora, como o Alcalde recoñecía, o POL non se pode tocar e temos que conformarmos con el. Polo tanto, xestión nova: ningunha.
E polo que se refire ao ámbito de competencias do Ministerio de Fomento, estas van por dous camiños: a afectación para a edificabilidade da variante de Burela e o trazado da Autovía-VAC ao seu paso polo noso pobo. Polo que se refire ao primeiro punto, é unha cuestión que hai que plasmar no desenvolvemento do PXOM para delimitar o solo urbano consolidado e, así, baixar a afectación de 100 a 25 metros con respecto á variante (agora o sr. Alcalde se acordou desta afectación que coarta a edificabilidade de Burela por esa zona pero dende que se construíu a variante nunca nada fixeran mentres gobernaron). Pero isto xa o sabiamos e xa o estabamos reflexando no Plan o anterior goberno municipal, seguindo as orientacións do Ministerio. Hai que lembrar que o PP de Burela non quixo ou non foi capaz de sacar adiante, en 12 anos de goberno municipal, un Plan Xeral de Urbanismo e dende o equipo de goberno municipal anterior fomos capaces de ter elaborado un documento inicial para presentar ás distintas administracións en menos de tres anos. Uns traballamos e outros fan turismo pola Xunta dicindo que traballan.
En canto ao trazado da Autovía-VAC Barreiros-San Cibrao ao seu paso por Burela, o PP resígnase ao trazado proposto polo Ministerio (un trazado que hipoteca para sempre o futuro urbanístico do noso pobo e que foi rexeitado por todos os sectores de Burela, entre eles e de xeito destacado o PP de Burela) e, ante a nosa pregunta de cales son as súas intencións, xa que estamos en época de promesas electorais, sobre o trazado desta estrada en caso de que o PP gañase as eleccións estatais, o PP de Burela deu a calada por resposta polo que moito nos tememos que o Alcalde e o seu equipo de goberno non vaian loitar dentro de seu partido por modificar esta decisión do Ministerio de Fomento. Parece ser que para o PP de Burela o que antes non valía (e así o explicitaban no seu programa electoral: oposición ao trazado plantexado polo Ministerio e aposta polo trazado sur), agora calan e non manteñen a postura unánime do concello no documento do PXOM que están elaborando.
Así pois, en canto ao Ministerio, o PP de Burela confórmase co que hai en canto ao trazado da Autovía: aceptar a proposta actual que nos hipoteca urbanisticamente e “non saben, non contestan” en canto a outras posibilidades futuras.
E isto é todo o que deu de si esta xustanza: nada novo que non soubésemos, ningunha xestión nova e ningunha proposta nova. Pois para este resultado non fai falla ir a ningún lado porque nada novo nos trouxo o Alcalde das súas viaxes polas consellerías e departamentos do Ministerio. Esperemos que as dietas por estes desprazamentos non sexan moi avultadas porque as xestións feitas foron cero.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
