Nota de prensa
A VAGANCIA E A INOPERANCIA SON AS LIÑAS PREDOMINANTES DO GOBERNO POPULAR DESPOIS DE MÁIS DE 100 DÍAS DE MANDATO
-Mostra da desidia do señor alcalde é que “pasados tres meses, imos celebrar o primeiro pleno, cando tiñamos que ter asistido alomenos a outros dous”
-Suprimiron as Comisións Informativas e aumentaron as Xuntas de Goberno, “unha maneira fácil de disfrazar os ingresos dos concelleiros do PP que non teñen ningunha dedicación, nin exclusiva nin parcial”
CERVO, 11 DE OUTUBRO. O goberno que preside o noso alcalde, Alfonso Villares, cumpriu xa 100 días dende que se conformou a nova corporación. Os socialistas, tras facer un primeiro balance destes tres primeiros meses de mandato popular, aseguran que no Concello de Cervo “seguimos coa mesma actitude dos últimos catro anos, as liñas predominantes son a vagancia do alcalde e a consecuente inoperancia do seu equipo de goberno”.
Neste senso, dende o Grupo Municipal Socialista subliñan que “pasados máis de tres meses, imos celebrar o primeiro pleno, cando xa tiñamos que ter presenciado alomenos outros dous, un en xullo e outro en setembro. Unha mostra máis da desidia do señor Villares”.
Os socialistas ademais de botar de falta a celebración dos plenos din que “a última novidade do rexedor é a supresión das Comisións Informativas de asuntos dos plenos, Comisións que non son obrigatorias en ningún caso pero que sí se celebraban na anterior lexislatura. Non entendemos por qué agora non se convocan, a non ser que o señor Villares teña poucas ganas de traballar ou non teña interese de informar dos temas municipais ó resto da corporación. Lamentablemente, témonos que enterar destes asuntos pola prensa”.
Por unha banda, vemos como se suprimen as Comisións Informativas e pola contra aumentan, iso sí, o número de Xuntas de Goberno. Os membros do Grupo Socialista destacan que “dá a casualidade que ás Xuntas de Goberno só asisten os concelleiros do Partido Popular, entre eles, dous que só cobran por asistencia a estas Xuntas. Unha maneira fácil de disfrazar outras dúas dedicacións parciais, pois sería demasiado escandaloso permitir abertamente, nun concello duns 4.500 habitantes, unha dedicación exclusiva, cinco parciais e o salario dun asesor de goberno. Pero a nós non se nos engaña e tampouco imos permitir que os veciños ignoren estes asuntos do día a día do seu Concello. Esixímoslle a este goberno máis claridade, traballo e interese polos temas municipais, que a partir de agora mostre un esforzo moito maior para conseguir nestes catro anos o que non se logrou ata o día de hoxe.”
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
